Energetıka mınıstri Almasadam Sátqalıevtiń málimetinshe, búgingi tańda respýblıkanyń elektr stansııalaryna tehnıkalyq aýdıt aıaqtaldy. Bul jumysqa halyqaralyq konsýltanttar tartylǵan. Nátıjesinde tozý, negizgi jabdyqtardyń jaramdylyq merzimi, otyn shyǵyny, tehnologııalyq buzýshylyqtar jáne t.b. kórsetkishter boıynsha reıtıng qalyptastyryldy.
«Qazirgi ýaqytta odan ári is-qımyl josparlary daıyndalyp jatyr. Sonymen qatar barlyq 37 JEO boıynsha ákimdiktermen birlesip, aldaǵy jylý berý maýsymyna daıyndyq úshin jol kartalary jasalyp jatyr», dedi mınıstr.
Indýstrııa jáne ınfraqurylymdyq damý mınıstri Murat Qarabaevtyń aıtýynsha, Respýblıkadaǵy jylýmen jabdyqtaý jelileriniń jalpy uzyndyǵy shamamen 14 myń shaqyrym.
«El boıynsha jelilerdiń 54%-y ortasha deńgeıde tozǵan. 7,5 myń shaqyrym jelini aýystyrý qajet. Eń joǵary tozý deńgeıi Abaı, Shyǵys Qazaqstan, Qaraǵandy, Pavlodar jáne Soltústik Qazaqstan oblystarynda. 2023 jyly bıýdjetten tozý kórsetkishi 75%-dan asatyn kommýnıkasııalar boıynsha 47 jobany iske asyrýǵa 69,4 mlrd teńge bólindi. Bul qarajatqa shamamen 107 shaqyrym jylý jelilerin qaıta jańartý josparlanyp otyr», dep baıandady mınıstr.
Jalpy 2029 jylǵa qaraı jylý qubyrlarynyń tozýyn 43%-ǵa deıin tómendetý mindeti tur.
