Ol ákimdiktiń, prokýratýranyń beıbit jınalystar ótkizý erejeleri týraly túsindirýlerine qaramastan, munaıshylar taraı qoımaǵanyn atap ótti. Onyń aıtýynsha, polısııaǵa barlyǵy 120-126-daı adam jetkizilgen.
«Bul máseleni sheshý úshin «QazMunaıGaz», sondaı-aq Energetıka mınıstrliginiń basshylyq quramy osy jumysshylarmen kezdesý ótkizdi. Olarǵa túsindirme jumystaryn júrgizdi. Dál burynǵy eńbek jaǵdaıy jáne dál burynǵy jalaqysyn saqtaı otyryp Mańǵystaýdaǵy basqa kompanııalarǵa jumysqa kirgizý usynyldy. Degenmen ereýilge qatysýshylar ol usynysty qabyldamady. Aıta keterligi, jıyn ótkizý tártibi buzyldy. «Beıbit jınalystardy ótkizý týraly» QR zańyna sáıkes, mundaı jınalystar habarlaý arqyly ótkiziledi, ıaǵnı jergilikti atqarýshy organdaryn tıisti belgilegen jerde bes kún buryn aldyn ala habardar etý qajet. Biraq kompanııa jumysshylary tarapynan mundaı habarlama joldanbaǵan. Sol sebepti prokýratýra organdary jergilikti atqarýshy organdarmen birge bul jumysshylarǵa osy zańnyń talaptarynyń saqtalýyn birneshe márte túsindirdi, tıisti habarlama berýdi surady jáne ony saqtamaǵan jaǵdaıda zańsyz ereýil ótkizilip jatqan jerdi bosatýdy usyndyq. Degenmen zań talaptary saqtalmaı, zańsyz jınalys jalǵasa berdi», dedi Jandos О́miralıev.
