Horvatııa Respýblıkasy Parlamentiniń vıse-spıkeri Davorko Vıdovıch óziniń quttyqtaý sózinde ótip jatqan mádenı is-sharanyń mańyzdylyǵyn atap ótti. Onyń aıtýynsha, konsert qazaq halqynyń baı shyǵarmashylyǵymen tanysyp qana qoımaı, elder arasyndaǵy dostyq pen ózara túsinistikti nyǵaıtýǵa úles qosýǵa múmkindik berdi.
Toptyń qýatty energııasy, klassıkalyq kúılerdiń vırtýozdy úni, qaıtalanbas janrdaǵy halyq shyǵarmalary men kómeımen án salý tehnıkasy kórermenderdi beı-jaı qaldyrmaı, Horvatııa jurtshylyǵynyń zor tańdanysyn týdyryp, dúrkiregen qoshemetterin de týdyrdy. Mýzyka súıer qaýym qobyz, sybyzǵy, jetigen, sherter, dombyra jáne basqa da qazaqtyń kóne aspaptarynyń sıqyrly únine tánti boldy.
Keshtiń erekshe atmosferasyna etno-kórme de áser etti, onyń aıasynda Horvatııa astanasynyń turǵyndary úshin alǵash ret kıiz úıdiń túrli-tústi ishki bezendirilýi usynyldy. Sándik-qoldanbaly óner nysandary, qazaqtyń ulttyq kıimderi, fotosýretter men qazaq taǵamdarynyń dástúrli delıkatesteri Balqan túbeginde kóp ǵasyrlyq tarıhy men baı murasy bar Uly dalanyń kóshpeli halyqtarynyń mádenıetin pash etti.
Mádenı is-sharaǵa Qazaqstan azamattary, Horvatııa úkimetiniń músheleri, eldiń eks-prezıdentteri, parlament depýtattary, iskerlik, dıplomatııalyq, akademııalyq jáne shyǵarmashylyq toptardyń ókilderi qatysty. Zaldyń tolyp ketýine baılanysty konsertke kele almaǵan qonaqtar úshin «YouTube» arnasynda tikeleı translıasııa uıymdastyryldy.
О́tken is-shara qazaq kóshpendileriniń mádenı murasynyń shetelde tanymal bolýyna yqpal etip qana qoımaı, qazirgi Qazaqstanǵa degen qyzyǵýshylyqty aıtarlyqtaı arttyrdy. Mádenı keshtiń qonaqtary elimizdi jaqynyraq tanyp, jaqyn arada baryp qaıtýǵa nıet bildirdi.
