Búgingi tańda jylý ortalyǵy shamamen 244 MVt elektr qýatyn jáne 496 Gkal/saǵ jylý qýatyn óndiredi. Stansııanyń negizgi jabdyqtary – 8 qazandyq agregaty, olardyń ekeýi buǵan deıin kúrdeli jóndeýden ótken jáne 5 týrbınaly generator.
Premer-mınıstr JEO qazandyq agregattarynyń ortasha tozý deńgeıi 74% ekenin atap ótti, osyǵan baılanysty menshik ıesi jańa jylytý maýsymyna deıin qosymsha qazandyqty iske qosý boıynsha jumys júrgizip, jalpy energııa kózin kúrdeli jóndeý máselelerimen belsendi túrde aınalysýy qajet.
«Aldaǵy qysta tosyn jaǵdaılardyń aldyn alý úshin qazirden bastap JEO-ny jóndeýge qarjy quıý kerek. О́tken jyly menshik ıesi 2,3 mlrd teńge salýdy josparlaǵan edi, biraq jumystyń bir bóligi keıinge qaldyryldy. Bıyl JEO-daǵy jóndeý jumystaryn tolyqtaı qarjylandyrý qajet. Qarajat «Tarıfti ınvestısııaǵa aıyrbastaý» baǵdarlamasy aıasynda qaıtarylady», dedi Álıhan Smaıylov.
