Bas esepshiniń bylyǵy

Taldyqorǵan qalalyq bi­lim­­ bóliminiń bas esepshisi Madlen Serǵazınova bilim sala­sy­na bólingen qar­jy­ny jeke múddesine paıdalanǵany anyq­talǵan. Kúdiktini qashpaq bolǵan jerinen Sybaılas jem­qorlyqqa qarsy is-qımyl agent­tiginiń (Sybaılas jemqorlyqqa qar­sy qyzmettiń) Jetisý oblysy­ boıyn­sha departamentiniń qyz­met­kerleri ustaǵan.

Antıkor ókilderiniń aıtýyn­sha,­ 48 jastaǵy áıel adam el aý­ma­ǵynan qashyp ketpek bolǵanda Pan­fılov aýdanynyń aýmaǵynda qol­ǵa túsken. Kúdiktiniń úıin tin­tý­ barysynda 942 902 117 teńge (ult­tyq valıýtada 617 640 000 jáne­ 721 282 AQSh dollary), qujat­tar men 21 jyljymaıtyn­ múliktiń kilti: 14 páter, 7 kom­mer­sııalyq úı-jaı, «Toyota Land Cruiser» kóligi men zergerlik buıym­dar tabylǵan.

Quny 1 mlrd 200 mln teńgege baǵa­lanǵan dúnıe-múlikke oblys­tyq­ prokýratýra ýaqytsha shekteý qoıdy. Bas býhgaltermen birge Taldyqorǵan qalalyq bilim bóliminiń ortalyqtandyrylǵan esep bóliminiń bas esepshisiniń orynbasary, ekonomıst pen eki esepshisi qamaýǵa alynǵan.

Qalalyq alty mekteptiń bas esepshisi bótenniń senip tap­­syrylǵan múlkin ıemdenip, jym­qyrdy degen kúdikke ilin­gen. Ustalǵandar 2020 jyldyń qyr­kúıek aıynan 2023 jyldyń naý­ryz aıyna deıin asa iri kólemde jal­py somasy 2 mlrd teńgeden astam­ bıýdjet qarajatyn urla­ǵan.­

Ustalǵandar oqý oryndarynda is júzinde jumys iste­meı­tin adam­dar­dyń shotyna­ ja­­laqy aýda­ryp otyr­ǵan. Ishki­ memlekettik aýdıt depar­tamen­ti­niń aýdıtorlary 95 231 664 teń­ge shyǵyndy ras­ta­dy.­ Qalǵan shy­ǵyndy esepteý jal­ǵa­syp­ jatyr.

Kúdikti M.Serǵazınova, onyń­­­­­­ orynbasary jáne ekono­mıst­­­­­ Qylmystyq is júrgi­zý­ ko­dek­­­­­siniń 128-babyna­ sáı­kes ustalyp, tıisinshe Eskel­di aýdan­dyq ishki ister basqar­ma­sy­nyń, Tal­dy­qorǵan qalalyq ishki­ ister basqar­masynyń, Kók­sý­ aýdandyq ishki ister basqarmasynyń ýaqytsha ustaý ızolıatoryna qamaldy.

Mektepterdiń bas esep­shi­le­­­rine qatysty aıybyn tolyq moıyndaýǵa, basqa tul­ǵalar­dy áshkereleýge kómek kórse­týge baı­la­nysty proses­sýal­dyq qa­maý­ǵa alý sharalary júrgi­zil­megen.

Qazir osy oqıǵa áleýmettik jelide úlken talqyǵa túsip jatyr. Osyǵan deıin aılasyn asyryp kelgen alaıaqtardyń áreketi qoǵamnyń bilim salasyna degen ókpesin tipti órshitip jibergendeı.

– Jetisý oblysynyń jyldyq bıýd­jeti 450 mlrd teńge. Onyń 40 paıyzy bilim, mádenıet jáne­ sportty damytý salasyna bóli­ne­di, deıdi jergilikti depýtattar.­ Jaı ǵana esepshiniń bıýd­jet­ten 1,2 mlrd teńge jym­qy­rýy jem­qor­lyqtyń masshta­byn­ kór­se­­tip otyr. Mektep ja­syn­­­da­ǵy­ balalar nege bir-birin tep­­­­k­i­­lep jatyr, tipti óltirip jatyr deımiz?

Bilim salasyndaǵy sheneý­nik­ter bala tárbıesi, bilim berý, ıdeo­logııa degendi keıingi orynǵa ysyrdy ma? Ata-ana bala­synyń amandyǵyna alańdaı bas­­tady. Oǵan sońǵy kúnderdegi tiz­­bek­telgen oqıǵalar dálel, – deıdi bel­gili jýrnalıst Rıshad Asqar­bek­­­uly.

Atalǵan iske qatysty qazir sotqa deıingi tergeý amaldary bastaldy.

Jetisý oblysy