– Demek, balaqaıǵa aýrý sol jaqta juqqan. Qyzylshaǵa shekara joq. Qazir elimizde juqpaly aýrýdyń bul túri beleń alyp bara jatqany baıqalady. Sondyqtan Densaýlyq saqtaý mınıstrligi 15-19 jas aralyǵyndaǵy jasóspirimderge arnalǵan qosymsha ımmýndaýdy engizý máselesin qarastyryp jatyr. Biz óz tarapymyzdan ata-analardy balalaryn qyzylshaǵa qarsy ektirip, juqpaly aýrýdan qazirden bastap qorǵanýdyń qamyn jasaýǵa shaqyramyz. Ol úshin emhanaǵa barý kerek. Búgingi tańda oblysta ekpege qajetti dáriler jetkilikti. Biz jyl saıyn josparly túrde ata-ananyń kelisimimen 1,6 jasar balalardy egemiz. Qazirgi tańda oblys kóleminde 3 600 balanyń óz ýaqytynda ekpe almaǵany anyqtalyp otyr, – deıdi oblystyq sanıtarlyq-epıdemııalyq baqylaý departamenti basshysynyń orynbasary Gúlim Dosymova.
Densaýlyq saqtaý departamentiniń málimetine sensek, búginde elimiz boıynsha qyzylshamen aýyrǵan 107 bala tirkelgen. Naýqastardyń 70 paıyzy – ekpe almaǵandar.
Taıaýda ǵana oblystyń Bas memlekettik sanıtarlyq dárigeriniń qaýlysy shyqty. Bul qaýlyǵa sáıkes, balalarǵa mektepke deıingi tárbıe beretin mekemelerdegi josparly profılaktıkalyq ekpe almaǵan balalardyń úlesi 10 paıyzdan aspaýǵa tıis.
Qostanaı oblysy
