2016 jyldan bastap elimizde K2 ekologııalyq synybynyń janar-jaǵarmaıyn satý toqtatylady

ASTANA. 8 shilde. Elimizde 2016 jyldyń 1 qańtarynan bastap Eýrazııalyq ekonomıkalyq komıssııanyń sheshimine sáıkes K2 ekologııalyq synybyndaǵy avtomobıl benzınin jáne dızel otynyn shyǵarýǵa tyıym salynady.  Bul týraly primeminister.kz habarlady. Indýstrııa jáne jańa tehnologııalar mınıstrligi tehnıkalyq retteý jáne metrologııa komıtetiniń habarlamasynda kórsetilgendeı, «Keden odaǵy aýmaǵynda aınalymǵa shyǵatyn avtomobıl jáne avıasııalyq benzınge, dızel jáne keme otynyna, reaktıvti qozǵaltqyshtarǵa jáne mazýtqa qoıylatyn talaptar týraly» Keden odaǵynyń tehnıkalyq reglamentine engiziletin ózgerister negizinde 2016 jyldyń 1 qańtarynan K2 ekologııalyq synybynyń avtomobıl benzınin jáne dızel otynyn qoldanýǵa tyıym salynady. Atalǵan tehnıkalyq reglamentke engizilgen ózgerister 2014 jyldyń 10 shildesinde kúshine enedi. Joldybaı Bazar. Derekkóz: primeminister.kz. Foto: news.delovoimir.kz.