Astana – on jyl ishinde salynǵan birden-bir bas qala

  Elbasy Nursultan Nazar­baev Astana kúnine arnalǵan saltanatty qabyldaýǵa qa­tysty, dep habarlady Pre­zıdenttiń baspasóz qyzmeti. Qabyldaýǵa jınalǵandarǵa arnaǵan sózinde Qazaqstan Prezıdenti elordanyń is júzinde on jyl ishinde salynǵan HHI ǵasyrdaǵy birden-bir astana ekenin atap ótti. – Astananyń qalyptasýy halyq taǵdyrymen jáne memleket táýelsizdiginiń jylnamasymen tyǵyz astasyp jatyr. Biz osy elordada el tarıhynyń jańa paraǵyn ashyp, bolashaqqa zor senimmen qaraımyz. Astana memlekettilik pen egemendiktiń aıryqsha sımvolyna aınaldy. Osynyń bári bizdiń ortaq eńbegimizdiń nátıjesi, – dedi Nursultan Nazarbaev. Memleket basshysy barshaǵa baq-bereke, densaýlyq jáne tabys tiledi. Elbasy, sondaı-aq, Qazirgi zamanǵy óner mýzeıiniń dırektory N.Shıvrınaǵa, «Astana Opera» memlekettik opera jáne balet teatrynyń dırektory T.Muhamedjanovqa jáne «Sem­bol Insaat» AQ prezıdenti F.Tamınd­jege «Astana qalasynyń qurmetti azamaty» ataǵyn tapsyrdy. Sýretti túsirgender S.BONDARENKO, B.OTARBAEV.