Saıasat Nurbek atap ótkendeı, búginde jataqhana máselesi boıynsha birqatar jumys atqarylyp, tapshylyq deńgeıi azaıǵan.
«Men mınıstr qyzmetine kirisken kezde, elimizde 87 myń tósek-oryn tapshylyǵy boldy. Biz segiz aıdyń ishinde bul sandy 55 myńǵa deıin azaıttyq. 22 myń oryndy qamtıtyn jataqhanalar salyndy. Osy jyldan bastap jylyna 10 myń tósek-oryndy engizemiz. Kelesi 7 jylda, ıaǵnı memlekettik tapsyrys negizinde 70 myń tósek-oryn paıda bolady dep josparlanyp otyr. Men merdigerlerdi, qurylysshylar men ınvestorlardy osy iske atsalysýǵa shaqyramyn. Qarjy ortalyǵymyz bar. Onyń sharttaryn túbegeıli ózgerttik. Sonymen qatar, biz Astana, Almaty qalasynda arnaıy jobalyq keńseler quryp jatyrmyz. Jalpy 55 myń tapshylyq, ıaǵnı 70% Almaty, Astana qalasyna tıesili. Odan keıin Abaı oblysy, Soltústik Qazaqstan, Batys Qazaqstan oblystary tur. Sosyn Túrkistan oblysy men Shymkent te bar. Bul másele aldaǵy 3-5 jylda túbegeıli sheshiledi», dedi mınıstr.
