«Ulttyq qorǵa jarmasa berýdi doǵarý qajet. Men bul týraly osyǵan deıin de talaı ret aıttym. Ulttyq qor – bolashaq urpaqtyń qarjysy. Biz onyń resýrsyn qajet kezde, daǵdarys kezinde ǵana paıdalanýymyz kerek. Memlekettik-jekemenshik áriptestik ınstıtýtyn jáne jan basyna qarjylandyrýdy, ásirese áleýmettik ınfraqurylymǵa ınvestısııa tartýdy tolyq paıdalaný kerek», dedi Memleket basshysy.
Toqaev byltyr jeltoqsan aıynda jańa MJÁ (Memlekettik-jekemenshik áriptestik) úlgisin engizýge baǵyttalǵan zańnamalyq túzetýlerge qol qoıǵanyn eske saldy. Jeke seriktesterdi tańdaýda ashyqtyqty qamtamasyz etý boıynsha sharalar qabyldanyp, kvazımemlekettik kásiporyndardyń qatysýy shektelgen.
«Osylaısha bıznesti memlekettik jobalardy júzege asyrýǵa tartýǵa jaǵdaı jasaldy. Bul quraldy jańa ulttyq jobalardy júzege asyrýda barynsha paıdalaný kerek. Úkimetke áleýmettik saladaǵy MJÁ keshendi baǵdarlamasyn daıyndaýdy tapsyramyn», dedi Prezıdent.
