Sybaılas jemqorlyqqa qarsy qyzmet Jetisý oblysynyń prokýratýrasynyń úılestirýimen Taldyqorǵan qalasynyń bilim bóliminiń qyzmetkerleri ustaldy.
«Atalǵan azamattar bilim berý salasynda is júzinde jumys istemeıtin úlestes tulǵalardyń paıdasyna jalaqy túrindegi óteýsiz aýdarý jolymen asa iri mólsherde bıýdjet qarajatyn júıeli negizde urlady degen kúdikke ilindi. Aldyn ala keltirilgen zalal somasy shamamen 2 mıllıard teńgeni qurady», delingen habarlamada.
Qazirgi tańda istiń mán-jaılaryna tıesili 29 jyljymaıtyn múlik obektisi men qymbat avtokólikter tárkilendi. Kúdiktiler ustalyp, sottyń sanksııasymen qamaýǵa alyndy.
«Konstıtýsııanyń 77-baby 3-tarmaǵynyń 1-tarmaqshasyna jáne Qylmystyq-prosestik Kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árqaısysy kinásiz dep esepteledi», dep habarlady vdeomstvo.
Sotqa deıingi tergeý amaldary jalǵasyp jatyr.
QPK-niń 201-babyna sáıkes tergeý múddesi úshin ózge aqparat jarııa etýge jatpaıdy.
