Aqparattar aǵyny

*EKSPO-2017 pavı­lon­darynyń negizgi qury­lymdary 2015 jylǵy qazan aıyna deıin salynyp bitedi. «Astana EKSPO-2017»  Ulttyq kom­panııasynyń basshysy Talǵat Ermegııaev, sonymen qatar, EKSPO-qalashyqtyń «nóldik kezeńin» qurylysshylar kesteden buryn aıaqtaýdy jos­parlap otyrǵanyn aıtty. *Kelesi jyly Qazaqstanda taǵy 20 memlekettik qyzmet avtomat júıesine kóshedi. Bul týraly habarlaǵan Baılanys jáne aqparat agenttigi baspasóz qyzmetiniń málimetinshe, 2015 jyly elektrondyq úkimet arqyly «QAZTEST» júıesi boıynsha júrgiziletin memlekettik tildi meńgerý deńgeıin baǵalaýǵa qatysý úshin qujatty tapsyrýǵa bolady. l Tarazda «Nur Otan» par­tııa­sy qataryna qabyldan­ǵan­darǵa partııa bıleti tapsyryldy.  Bul sharany júrgizgen Jam­byl oblystyq fılıalynyń tóraǵasy, oblys ákimi Kárim Kóki­rekbaev jınalǵandardy As­tana qalasynyń merekesimen quttyqtady. *Aqmola oblysynda qu­ry­lys materıaldaryn óndiretin zaýyt ashyldy. Bulandy aýda­nynyń ortalyǵy Makın qa­la­synda boı kótergen bul óndi­ris orny aǵashtan qurylys ma­terıaldaryn shyǵaratyn «TransTechMash LTD» JShS kúshimen paıda boldy. Kásip­orynnyń qýattylyǵy jylyna 300 000 dana shpal, 5 myń tekshe metr taqtaı shyǵarýǵa jetedi. *Shyǵys Qazaqstanda úzdik jýrnalıster marapattarǵa ıe boldy. О́skemende ótken jýrnalıster forýmynda oblys ákimi Berdibek Saparbaev BAQ ókilderin ótken kásibı merekelerimen quttyqtaı otyryp, olardyń arasyndaǵy jýrnalıstıka salasyn damytýǵa úles qosyp kele jatqandaryna syı-sııapattar tapsyrdy. Jıynda jalpy 63 jýrnalıst marapattarǵa qol jetkiz­se, solardyń 9-y aımaq basshy­synyń nomınanty atandy. *Qyzylorda qalasynda aýyl sharýashylyǵy ónimderi 25,8 paıyzǵa artyq óndirildi. Bul týraly málimdegen qala ákimi Nurlybek Nálibaev 5 aı­dyń qorytyndysynda aýyl sha­rýashylyǵy óniminiń kólemi 453,1 mln. teńgeni qurap, onyń naqty kóleminiń ındeksi ótken jyldyń salystyrmaly kezeńiniń 125,8 paıyzyn quraǵanyn aıtty. *Aqtaý órt sóndirý­shi­­leri «Qaýipsiz balalyq shaq» aksııa­syn ótkizdi. Ol ár­túr­li konkýrs túrinde uıymdas­tyryldy. Saıysqa 4 balalar tynyǵý lage­riniń komandalary qatysty. Nátı­jesinde jeńim­pazdarǵa júl­deler tabys etildi. Habarlar «QazAqparat», Altaynews.kz, Lada.kz,Egemen.kz agenttikteri, «Ýralskaıa nedelıa» gazeti men Qyzylorda qalasy ákimdigi saıttarynyń derekteri boıynsha daıyndaldy.