Májilis – ashyq únqatysý alańy

Prezıdent ekonomıkany qaıta jan­dandyrý boıynsha úlken min­det­ter qoıdy. Otandyq ón­di­ris­ti damytýǵa negizgi basym­dyq be­rilý­ge tıis. Sonyń ishinde shetel ın­­ves­­tısııasyn tartý máselesi de es­kerilgeni jón.

Birinshiden, agroónerkásip kesheniniń ónimdiligin arttyrýdyń mańyzy zor. Bul rette ónimdi tek shy­ǵaryp qana qoımaı, saqtaý qa­jet. Shaǵyn jáne orta bıznesti, ásirese, aýyldy jerlerde damy­tý­dy yntalandyrý mańyzdy. «Qa­­zaq­standa jasalǵan» ónimder báse­kege qabiletti jáne qoljetimdi baǵada bolýy kerek. Baǵa ósimimen k­ú­resip, qazaqstandyqtardyń ta­by­syn arttyrýdyń birden-bir joly osy.

Ekinshiden, Memleket basshysy ondaǵan jyldar boıy jınaqtalǵan ınfraqurylym máselelerin sheshý jáne turǵyn úı-kommýnaldyq shar­ýashylyǵyn jańǵyrtýdy qol­ǵa alýdy tapsyrdy.

Halyq pen bıznes úshin ta­rıf­ter­di kóterip qana qoımaı, tur­ǵyn úı-kommýnaldyq sharýa­shy­lyq salasyn ınvestorlarǵa uzaq merzimge tartymdy etý mańyzdy. Bul jerde Prezıdenttiń «Investısııaǵa aıyrbas tarıfi» bastamasynyń áleýeti mol. Investorlarǵa mem­le­kettiń kepildigimen ádil ári qo­laı­ly jaǵdaı jasaý qajet. Bul osy salaǵa jeke qarjy tartýǵa jol ashady.

Depýtattyq korpýs menshik ıe­le­­ri qaýymdastyǵy máselelerin sheshý úshin kózqarasyn bildirip, usynysyn berýge tıis. Turmystyq zor­lyq-zombylyqqa qatysty má­se­leler boıynsha da óz paıymy­myz bar.

Úshinshiden, Memleket bas­shy­­synyń bastamasymen qolǵa alynǵan konstıtýsııalyq re­for­ma­lardyń nátıjesinde, Má­jilis elimizdegi negizgi zań shyǵarýshy alańǵa aınaldy. Sondyqtan de­pýtat­tyq korpýs Prezıdent júk­tegen mindetterdiń barlyǵyn zań­na­malyq turǵyda qamtamasyz etýge búginnen bastap kirisedi.

Bul jumys konstrýktıvti dıalog arqyly Úkimetpen, ákim­dik­ter­men tyǵyz qarym-qatynasta atqarylýy kerek. Depýtattar osy ustanymdy tolyq qoldaıdy jáne nátıjeli jumys isteýge daıyn.

Májilis Prezıdent reformalaryn qoǵamnyń belsene qatysýymen talqylaýǵa arnalǵan ashyq dıalog alańy bolmaq. Osy­ǵan oraı Palatada agroóner­ká­­siptik keshen­ge jeńildetilgen nesıe­­lerdi bólý, sondaı-aq áıel­der men ba­la­larǵa qatysty zor­lyq-zom­by­lyqqa tózbeýshilik máde­­nıetin qa­lyptastyrý boıynsha eki beıindi komıtettiń otyrysy ótedi.

Sonymen qatar «Jaıly mektep» ulttyq jobasyn júzege asy­rýda elimizdiń úlesti arttyrý máseleleri boıynsha «Amanat» fraksııasynyń otyrysy bolady. Aldaǵy 5 jylda 401 mekteptiń qurylysyna 2,6 trıllıon teńge baǵyttalady. Bul jobaǵa otandyq bıznes barynsha atsalysýy qajet. Sonda ǵana bólingen qarjy ekono­mı­kaǵa oń áser etedi.

Tórtinshiden, Memleket basshysy elimizdiń 2025 jylǵa de­ıin­gi jańa Ulttyq damý jos­paryn ázirleýdi tapsyrdy. Oǵan Má­jiliske ótken partııalardyń saı­laý­aldy baǵdarlamalaryndaǵy eń mańyzdy tarmaqtar engiziledi.

Búginde Májiliste saıası par­tııa­­lar­dyń alty fraksııasy, sondaı-aq bir mandatty okrýgterden saılanǵan 29 depýtat qyzmet atqa­­rady. Olardyń barlyǵy saılaýaldy naýqan kezinde jurtshy­lyq­pen belsene kezdesip, halyqqa biraz ýáde berdi. Sol fraksııalarǵa Ulttyq josparǵa engiziletin usy­nys­tardy qazirden bastap daıyndaýdy usyndym.

Máselen, «Amanat» partııa­synyń saılaýaldy baǵdarla­ma­syn­da aýyldaǵy jas dárigerlerdiń kóterme járdemaqysyn 10 mıl­lıon teńgege deıin arttyrý týraly usynys bolǵan. Bul – medısına qyzmetkerleriniń tapshylyǵyn joıýǵa jasalǵan ıgi qadam. Aýyl turǵyndarynyń, kásipkerlik sýbek­tileriniń, jastardyń, bıýdjet salasy qyzmetkerleriniń tabysyn arttyrý, jańa óndirister ashý boıynsha da tıisti sharalar qarastyrylǵan. Osynyń barlyǵy Ult­tyq damý josparynda kórinis tabady.

Memleket basshysy tapsyr­ma­la­rynyń elimizdiń odan ári damýy, azamattardyń turmysyn jaqsartý úshin mańyzy zor. Bul – Májilis depýtattarynyń ortaq pikiri.

Endi halyq pen bıznestiń múd­desin, ekonomıkanyń múm­kin­dik­terin eskere otyryp, alǵa qoı­ǵan mindetterdiń naqty ári tıimdi oryndalýyn qamtamasyz etýge tıis­piz.

Erlan QOShANOV,

Májilis tóraǵasy