Oıynnyń ashylý saltanatyn mektep dırektory Elena Hamıtova, AQSh dıplomatııalyq mıssııasynyń ókili Djon Orak jáne «Bolashaq» halyqaralyq baǵdarlamalar ortalyǵynyń basqarma tóraǵasy Oljas Sakenov quttyqtaý sózderimen ashty.
AQSh ýnıversıtetteriniń túlekteri qaýymdastyǵynyń jetekshisi Rınat Kemeshovtyń aıtýynsha, is-shara maqsaty - ártúrli etnostardy toptastyrý arqyly qazaqstandyq ulttyq biregeılikti qalyptastyrý, rýhanı birlik ıdeıalaryn taratý, oqýshylardy sporttyq is-sharalarǵa jáne basqa da mádenı-buqaralyq is-sharalarǵa tartý arqyly halyqtar dostyǵy men ultaralyq kelisimdi nyǵaıtý jáne saqtaý.
Tarıhta buryn sońdy bolmaǵan sharanyń ıdeıasy «Mıras» mektebiniń joǵarǵy synyp oqýshysy Abdrahannyń usynysymen, mektep basshylyǵynyń qoldaýymen júzege asqan. Oqýshylardyń aıtýynsha, mundaı sharalar kóshbasshylyq jáne komandalyq jumys sııaqty kóptegen daǵdylardy úıretip qana qoımaı, ózge elderdiń mádenıeti týraly kóbirek bilýge múmkindik beredi.
Bir jarym saǵatqa ulasqan sport merekesinde «Mıras»basketbol komandasy 75-70 esebimen basym tústi.
