О́tken jyly eki el arasyndaǵy taýar aınalymy 67%-ǵa artyp, $423 mln-ǵa jetti. Qarqyndy ósý bıyl da jaslǵasyn taýyp jatyr.
Sonymen qatar, Qazaqstan Chehııaǵa 95 taýar pozısııasy boıynsha shamamen $600 mln somaǵa ónim eksportyn arttyrýǵa daıyn.
Investısııa tartý – ekijaqty yntymaqtastyqtyń mańyzdy baǵyty. Máselen, 2008 jyldan beri Qazaqstanǵa $270 mln-ǵa jýyq tikeleı cheh ınvestısııasy tartyldy. Bul rette turaqty ósý úrdisi keıingi jyldary da saqtalady.
Premer-mınıstr ónerkásiptik kooperasııany damytý, atap aıtqanda, Qazaqstanda mashına jasaý óndirisin lokalızasııalaýǵa erekshe nazar aýdarylyp otyrǵanyn atap ótti.
«Qazirgi ýaqytta joǵary ındýstrıaldy aımaqtarǵa bizdiń dostyǵymyzdy damytýdyń lokomotıvi bola alatyn «Skoda Transportation», «Czechoslovak group» jáne basqa da birqatar iri cheh kompanııalary aıtarlyqtaı qyzyǵýshylyq tanytyp otyr», dedi Álıhan Smaıylov.
Sonymen qatar, Álıhan Smaıylov tranzıttik-kólik salasyndaǵy, onyń ishinde Transkaspıı halyqaralyq kólik baǵyty sheńberindegi ózara is-qımyldy nyǵaıtýdyń, eki el arasynda tikeleı áýe qatynasyn ornatýdyń jáne IT-startaptarǵa venchýrlik ınvestısııalar tartý boıynsha yntymaqtastyqtyń zor perspektıvalaryn atap ótti.
О́z kezeginde Petr Fıala Chehııanyń Qazaqstanmen ózara tıimdi yntymaqtastyqty odan ári damytýǵa daıyn ekendigin atap ótti. Bul rette energetıka, azyq-túlik jáne qarjy salalaryndaǵy bastamalar erekshe qyzyǵýshylyq týdyrady.
«Chehııany Qazaqstanmen uzaq merzimdi dostyq qarym-qatynastar baılanystyrady jáne biz ózara yntymaqtastyqtyń odan ári damýyna múddelimiz. Biz Qazaqstandy Ortalyq Azııa aımaǵyndaǵy negizgi seriktesterdiń biri dep sanaımyz. Sonymen qatar bizdiń yntymaqtastyǵymyzdyń aýqymy da keńeıip keledi, óıtkeni búkil Eýropalyq Odaq Ortalyq Azııa elderimen tyǵyz áriptestikti damytýǵa múddeli. Al Qazaqstan men Chehııa arasyndaǵy qarym-qatynas – osy yntymaqtastyqtyń bir tiregi», dedi Petr Fıala.
