Ulttyq bank tóraǵasy Qazaqstannyń ekonomıkasy men qarjy sektoryndaǵy ahýal, iskerlik belsendiliktiń jaqsarýy, depozıt naryǵynyń dınamıkasy, sondaı-aq BJZQ-nyń, Ulttyq qordyń aktıvteri men altyn-valıýta rezervteriniń jaǵdaıy týraly baıandady.
Aı saıynǵy jáne bazalyq ınflıasııanyń tómendegenin jáne retteýshiniń buǵan deıin jasaǵan boljamdaryna sáıkes kelip otyrǵanyn jetkizdi. Sonymen qatar ınflıasııa deńgeıi áli de joǵary kúıinde qalyp otyr. Bul qazirgi aqsha-kredıt sharttaryn saqtaýdy qajet etedi.
Sondaı-aq Ǵalymjan Pirmatov jedel tólemder júıesiniń damýy jáne sıfrlyq teńgeni engizýge daıyndyq barysy týraly málimet berdi.
Qasym-Jomart Toqaev aqsha-kredıt saıasatyn tıimdi júzege asyrýǵa baǵyttalǵan birqatar tapsyrma berdi.
