Delegasııanyń sapary О́skemendegi Kópbeıindi onkologııa jáne hırýrgııa ortalyǵynyń jumysymen, KT kabınetimen jáne ahýaldyq ortalyqty aralaýdan bastaldy.
Sondaı-aq medısınalyq ortalyq ókilderi Shyǵys Qazaqstan oblystyq mamandandyrylǵan medısınalyq ortalyq dárigerlerimen jáne operasııa jasalǵan pasıenttermen júzdesip, ınnovasııalyq medısına bólimshesin aralady. Medısınalyq ortalyq mamandary Shyǵys Qazaqstan oblystyq aýrýhanasyna baryp, onda kardıohırýrgııa, qantamyrlyq hırýrgııa, gınekologııa men qabyldaý bólimsheleriniń jumysymen tanysty.
18 sáýirden bastap Shyǵys Qazaqstan oblysynda QR PIB Medısınalyq ortalyǵy men oǵan qarasty uıymdardyń 34 jetekshi mamany halyqqa praktıkalyq jáne konsýltasııalyq ádistemelik kómek kórsetip, kúrdeli tehnologııalyq operasııalar jasap, aımaqtyń dárigerlerine jáne bıznes ókilderine sheberlik sabaqtaryn, trenıngter ótkizip jatyr.
Aıta ketsek, «QR Prezıdenti is basqarmasy medısınalyq ortalyǵynyń kúnderi» jobasy otandyq medısınalyq týrızmdi damytý, elimizdiń óńirlerinde densaýlyq saqtaý salasynyń jańa medısınalyq tehnologııalaryn engizý, turǵyndarǵa medısınalyq kómek kórsetý maqsatynda ótkiziledi.
