Qarjylyq monıtorıng agenttiginiń Qyzylorda boıynsha departamenti jalǵan banknottardy ótkizý deregin áshkereledi. Qylmystyq is boıynsha tergeý amaldary aıaqtalyp, is materıaldary sotqa jiberildi.
«Kúdikti nomınaly 20 000 teńgelik jalǵan banknottardy basyp shyǵaryp, dúkenderde jumsap, qaıtarymyna QR Ulttyq bankiniń túpnusqa banknottaryn alyp otyrǵan. Turǵyn óz kinásin tolyq moıyndady. Krımınalıst mamandardyń zertteýine sáıkes, ótkizilgen banknottar QR Ulttyq bankiniń aqsha belgisine sáıkes kelmeıdi, bul «aqsha» prınter arqyly basyp shyǵarylǵany anyqtaldy», delingen habarlamada.
Aıta ketsek, Qazaqstanda bul qylmys úshin 5 jyldan 10 jylǵa deıingi merzimge bas bostandyǵynan aıyrý jazasy qarastyrylǵan.
