Taǵaıyndaý • 27 Sáýir, 2023

Taraz qalasynyń burynǵy ákimi «Amanat» partııasynyń hatshysy bolyp taǵaıyndaldy

322 ret

kórsetildi

1 mın

oqý úshin

Partııa Tóraǵasy Erlan Qoshanovtyń qaýlysymen Erjan Jylqybaev «AMANAT» partııasynyń Hatshysy laýazymyna taǵaıyndaldy, dep habarlaıdy Egemen.kz partııanyń Facebook paraqshasyna silteme jasap.

Aıana TOǴANBEK

Taraz qalasynyń burynǵy ákimi «Amanat» partııasynyń hatshysy bolyp taǵaıyndaldy

Erjan Jylqybaev 1982 jyldyń 17 jeltoqsanynda dúnıege kelgen. M.Áýezov atyndaǵy Ońtústik Qazaqstan memlekettik ýnıversıtetiniń túlegi. 2006 jyly QR Prezıdenti janyndaǵy Memlekettik qyzmet akademııasyn, al 2011 jyly S.Amanjolov atyndaǵy Shyǵys Qazaqstan ýnıversıtetin bitirgen.

Ár jyldary Úkimettiń Parlamenttegi ókildiginde jumys istedi, Eńbek jáne áleýmettik qorǵaý mınıstriniń kómekshisi, Semeı qalasy ákiminiń orynbasary, QR Prezıdenti Ákimshiliginiń memlekettik ınspektory, Almaty qalasy Medeý aýdanynyń ákimi, Eńbek jáne halyqty áleýmettik qorǵaý birinshi vıse-mınıstri, Jambyl oblysy ákiminiń orynbasary, Taraz qalasynyń ákimi qyzmetterin atqarǵan.

Osy jyldyń aqpan aıynan bastap «AMANAT» partııasy Atqarýshy hatshysynyń keńesshisi boldy.