Maqsat – ǵylymǵa yntalandyrý

Otyrysta negizgi tórt másele talqyǵa salyndy. So­nyń birin­shisi – Parlament depý­tat­tary bastamashylyq etken «Qazaqstan Res­pýblı­ka­synyń keıbir zańna­ma­lyq akti­lerine ǵylym másele­leri boıynsha ózgerister men to­lyq­tyrýlar engizý týraly» jáne «Salyq jáne bıýdjetke tó­lenetin basqa da mindetti tólem­der týraly» Qazaqstan Res­pýb­lıkasynyń Kodeksine (Salyq kodeksi) ǵylym másele­leri boıynsha ózgerister men tolyqtyrýlar engizý týraly» zań jobalary talqylandy. So­ny­men birge Bıýdjet kodeksi men «Memlekettik satyp alý tý­raly» zań jobasynyń ret­teý­­shilik konsýltatıvtik quja­t­y bo­ıyn­sha baıandamalar tyńdaldy.

Memleket basshysy Qasym-Jomart Toqaev ǵylymǵa kóńil bólý jáne ǵylymmen aınalysatyn jastarǵa qoldaý kerektigin aıtqany belgili. Bul zań jobalarynyń maqsaty – ǵylym jolyndaǵy adamdardy qoldaý, olarǵa ústeme qarajat tóleý. Osyǵan oraı ǵylym máseleleri jónindegi zań jobalary ǵylym jáne ǵylymı-tehnıkalyq salalardaǵy ult­tyq zańnamany keshendi jetil­dirýge baǵyttalǵan. Máselen, olar mynadaı túzetý­lerdi kózdeıdi: ǴZTKJ-ǵa jeke ın­ves­­tısııalar úshin ınves­tı­sııalyq preferensııalar berý jáne jańa ǵyly­mı ortalyqtar qurý; ǵylymı taǵylymdama­lar, shy­ǵystar normalaryn jáne olar boıynsha úlgilik sharttardy bekitý; «ǵylymı etıka» termıniniń anyqtama­syn bel­gileý; «jas ǵalym» mejesin qyryq jasqa deıin ulǵaıtý.

Bıýdjet kodeksiniń jobasyna qatysty konsýltatıvtik qujat bıýdjet zańnamasyn reformalaýǵa baǵyttalǵan. Ol memlekettiń bıýdjet sa­lasyndaǵy halyq aldyndaǵy ashyq­tyǵy jáne eseptiligin artty­rýǵa, bıýdjet úrdisindegi bıýro­kratııany tómendetýge, memle­kettik qarjy turaqty­lyǵynyń uzaqmerzimdi boljamyn engizýge múmkindik beredi.

«Memlekettik satyp alý týraly» zań jobasyna qatysty konsýltatıvtik qujat artyq reglamentteýdi boldyrmaý, jetkizýshilerdi óz biliktiligin arttyrýǵa yntalandyrý, satyp alynatyn taýarlardyń, jumystardyń, kórsetiletin qyzmetterdiń sapasyn arttyrý, barlyq memlekettik jáne kvazımemlekettik uıymdardyń biryńǵaı platformasyna aýys­tyrý máselelerin kózdeıdi.

Ǵylym jáne joǵary bilim vıse-mınıstri Kamıl Ahatov zań jobalary aıasynda memlekettik organdar men res­pýb­lkıalyq bıýdjet komıssııasy tarapynan tómendegi óz­gerister qoldaý taýyp otyr­ǵanyn aıtady.

– Joǵary bilim beretin jáne joǵary oqý ornynan keıingi uıym­darda pedagogıkalyq qyz­met etetin oqytýshylarǵa ǵylymı ataq úshin ústemeaqy tóleý, uıymnyń bıýdjetten tys qarajaty esebinen ortasha jal­aqy kólemin saqtaı otyryp, bir jylǵa deıin shyǵarmashylyq dema­lys berý, jas ǵalym mejesin 35 jastan 40 jasqa deıin ulǵaıtý sekil­di mańyzdy ózgerister qol­daý tapty. Munyń bári elimizde jastardy ǵylymmen aınalysýǵa yntalandyrady, – dedi vıse-mınıstr Kamıl Ahatov.