«Mádenıet basqarmasy mádenıet salasyndaǵy mekemelermen birlesip, mamyr aıyna 160-tan astam is-shara josparlap otyr. Sonymen birge 1 mamyr – Qazaqstan halqynyń birligi kúni, 7 mamyr – Otan qorǵaýshy kúni, 9 mamyr – Jeńis kúnine arnalǵan 25-ten astam is-shara ótedi.
1 mamyr kúnine arnalǵan is-sharalarǵa toqtalsam, «Saryarqa» aýdanyndaǵy qalalyq alańda (Astana qalasy ákimdigi aldynda) saǵat 12:00-15:00 aralyǵynda qala turǵyndary men qonaqtary úshin merekelik konsert, teatrlandyrylǵan kórinister, sırk kórsetilimderi, balalarǵa arnalǵan jáne sporttyq is-sharalar, saýda jármeńkesi uıymdastyrylady. Sonymen qatar, «Baıterek» monýmenti aldynda saǵat 12:00-15:00 aralyǵynda konsert bolady. Oǵan tanymal ónerpazdar qatysady», dedi N.Qamzın Astana qalasy kommýnıkasııalar qyzmetinde ótken baspasóz máslıhatynda.
Budan bólek, 3 mamyr kúni saǵat 19:00-de Mýzykalyq jas kórermen teatrynda «Chem dalshe my ýhodım ot voıny...» mýzykalyq-poetıkalyq kompozısııa josparlanǵan.
Nuran Qamzınniń aıtýynsha, 4 mamyrda ǵalym, fılosof, dáriger Ibn Sına (Avısenna) bıýstiniń ashylý saltanaty ótedi. Is-sharaǵa Qazaqstan men Tájikstan Prezıdentteri qatysady dep kútilip otyr.
Munymen qosa, 7 mamyrda Nomad City Hall ǵımaraty aldynda (saǵat 12:00-13:00) ashyq aspan astyndaǵy merekelik konsert uıymdastyrylady.
Dál osy kúni «Báıterek» monýmenti janyndaǵy alańda (saǵat 18:00-22:00) Otan qorǵaýshy kúnine arnalǵan merekelik is-shara ótedi.
Al 8 mamyrda saǵat 17:00-de Beıbitshilik jáne kelisim saraıynda «Erlik jaıly estelikter» atty merekelik konsert bastalady.
8 mamyr kúni saǵat 19:00 - de Ázirbaıjan Mámbetov atyndaǵy memlekettik drama jáne komedııa teatrynda D.Isabekovtiń «Tynyshtyq kúzetshisi» spektakli ótedi.
9 mamyrda Jeńis kúnine oraı soǵys ardagerleriniń, tyl eńbekkerleriniń, qoǵamdyq jáne jastar uıymdary ókilderiniń qatysýymen «Otan Ana» monýmenti aldynda gúl shoqtaryn qoıý dástúrli sharasy uıymdastyrylmaq.
