Joǵarǵy Bas qolbasshy quttyqtaý sózinde Qarýly Kúshterimiz memlekettigimizdiń myzǵymas tiregi, týǵan eldiń táýelsizdigin jáne beıbit ómirin qorǵaý qasıetti paryz ekenin atap ótti.
– Týǵan jerdiń aýmaqtyq tutastyǵyn saqtaý – qasterli borysh. Batyr babalarymyz ǵasyrlar boıy jeriniń shetin jaýǵa bastyrmaı, bizge mıras etti. Osy uly murany kózdiń qarashyǵyndaı saqtaý – basty mindetimiz. Birtutas ári qýatty memleketti urpaqqa tabystaý – negizgi maqsatymyz. El ishi tynysh, qoǵam turaqty bolsa, jasampaz ári órkenıetti memleketke aınalamyz. Iаǵnı, damyǵan el bolamyz desek, eń aldymen, beıbitshilik jáne tynyshtyq kerek. Qarýly Kúshterimiz osy qasterli qundylyqtardy qorǵaýǵa tıis, – dedi Memleket basshysy.
