Tennıs ortalyǵyna aınalatyn shahar

О́z kezeginde qala ákimi Murat Áıtenov týrnırdiń saltanatty ashylýynda qatysýshylarǵa sát­tilik tilep, bul chempıonattyń jas­tarymyzdyń sporttyq áleýetin arttyryp qana qoımaı, tennıste jańa belesterdi baǵyndyrýda mańyzy zor ekenin atap ótken edi. Shahar basshysy jarystyń jas órenderdiń tennıske qyzyǵý­shylyǵyn arttyratynyna mol senim bildirdi.

Sonymen 16 jasqa deıingi qyzdar arasyndaǵy Juniors Billie Jean King kýbogy (komandalyq álem chempıonaty) Azııa – Tynyq muhıty aımaǵy boıynsha irikteý týrnıriniń aqtyq synynda Iаro­slava Shvedovanyń shákirtteri ja­rystyń birinshi raketkalary – Japonııa quramasyna ese jiberip alǵanymen, alǵash ret komandalyq álem chempıonatyna joldama jeńip aldy. Onyń aldynda Qazaqstan qyzdar quramasy Billie Jean King kýboginiń bes dúrkin chempıony Aýstralııa komandasyn 2:0 esebimen utqan edi. Endi ulttyq qurama tamyz aıynda Chehııada ótetin ten­nısten álem chempıonatynda baq synaıdy. Oǵan osy jarysta al­ǵashqy úsh oryn alǵan toptar ǵana qatysady. Byltyr Qazaqstan quramasy Úndistandaǵy jarysta 4-oryn alyp, álemdik tennıs dodasyna qatysýǵa múmkindikten aıyrylyp qalǵan edi. Bıyl olja salyp, álemdik chempıonatqa joldamany jeńip alyp tur.

Osy qýanyshqa oraı Qazaqstan tennıs federasııasynyń prezı­denti Bolat О́temuratov óz pikirin bildirdi.

«16 jasqa deıingi qyzdar qura­masyn álem chempıonatyna joldama alýymen quttyqtaı­myn. Komanda óz jerimizde irikteý sa­ty­synan sátti ótip, kúshti qura­malardy jeńdi. Ásirese, jarty­laı fınalda jasóspirimder ara­synda Bıllı Djıng Kıng ký­bo­giniń bes dúrkin chempıony – Aýstralııadan basym túskeni tań­ǵajaıyp oqıǵa. Fınaldaǵy tartysty básekede Japonııaǵa jol bergenimen, basty mindet oryn­daldy. Alǵash ret 16 jasqa de­ıin­giler arasynda álem chempıonatyna shyqty. Osy jarysta bapkerler úmitin aqtaǵan jasóspirim qyzdar joǵary deńgeıde óner kórsete bildi. Bul bizdiń Qazaqstan tennısin damytýdaǵy jolymyz­dyń durystyǵyn kórsetedi. Irik­teý saıysyndaǵy jeńister álem chem­pıonatynda jalǵasady dep se­nemin», dedi B.О́temuratov.

Megapolıstegi Ulttyq ten­nıs ortalyǵynda 16 jasqa deıingi­ler arasynda tennısten álem chempıonatyna Azııa – Tynyq mu­hıt aımaǵy boıynsha irikteý kezeńi­niń jerebesi tartylyp, bozbalalar arasynda jarys bastaldy. Bul 7-13 mamyr aralyǵynda ótedi. Chempıonatqa 16 komanda qatysady.

Qazaqstan tennıs federasııa­synyń vıse-prezıdenti Dııas Dosqaraevtyń aıtýynsha, halyq­aralyq tennıs federasııasy eli­mizdiń ótinishin qabyldap, match­ty ótkizýge dál Shymkent qala­syn tańdaǵan. О́ıtkeni megapolıs aýqym­dy jarysty uıymdastyrý­ǵa bar­lyq talaby jaǵynan qolaı­ly bol­ǵan. Birinshiden, sport­tyq ınfra­qurylymy unady. Ekin­shiden, oıynshylardyń júrip-tu­rýyna yńǵaıly dep tanyldy. Qonaqúı máselesi de halyqara­lyq tennıs federasııasynyń kóńili­nen shyqqan. 16 memleketten komandalar ushyp keldi. Olardy kútip alý, ornalastyrý jaǵy da joǵary deńgeıde uıymdastyryldy. Ult­tyq tennıs ortalyǵy tek jarys alańy emes, tájirıbe almasý orny boldy desek bolady. О́ıt­keni elimizdiń barlyq óńirinen bapkerler kelip oıyndy tamashalady. Ekinshi komandalar da, jasy kishi sportshylar da ulttyq quramaǵa jankúıer boldy. Olar tek jarystyń qyzyǵyn tamashalap qoımaı, myqty komandalardyń oıyn órnegin, ádis-tásilderin de baqylap, ishteı oı túıip otyrdy.

Tennıs federasııasynyń vıse-prezıdenti D.Dosqaraev baıan­daǵan­daı elimiz boıynsha 400-den asa kort bar. Sonyń ishinde Shymkentte 40 korttyń ıgiligin ten­nısshiler kórip júr. Ulttyq ten­nıs ortalyǵyna 20 kort tıesili. Odan basqa «Suńqar», «Dına­mo», «Spartak» sport klýbtarynda je­kemenshik korttar ornalasqan. Deı turǵanmen halqynyń sany mıllıonnan asatyn megapolıs úshin áli de korttar kerek.

«Osydan eki jyl buryn qala ákimi Murat Áıtenov pen federasııa prezıdenti Bolat О́temura­tov arnaıy kelisim jasap, tennıs sportyn damytýǵa ýaǵdalasty. Osyǵan oraı arnaıy joba ja­salyp, ol qazirgi kúni daıyn tur. Osy joba aıasynda bıyl úlken ten­nıs sport kesheniniń qurylysy Shymsıtı aýmaǵynda bastala­dy. Bul shahardaǵy ekinshi úlken tennıs ortalyǵyna aınalady. Jyl­dan jylǵa balalar sany kóbe­ıip keledi. Sonyń esebinen tennıs sportyna da qyzyǵýshylyq artyp jatyr. Halyqaralyq dárejede sportshylarymyz úlken nátıje­ler kór­setip jatqan soń da balalar­da ten­nısshi bolsam degen jaqsy oı qalyptasýda. Tennıs – elimizde ke­ıingi jyldary tez damyp kele jatqan sporttyń biri. Búkil elimiz boıynsha búginde tennıs seksııalary tolyp tur. Tennıs sportyn qolǵa alý 2007 jyldan bastaldy. Federasııanyń jańa prezıdenti ınfraqurylymdy damytýǵa óz esebinen mol qarajat quıdy. Qo­symsha demeýshiler de tartyldy. Adamdardyń bul sportqa áýes­tigi de óse tústi. 2007 jyly 500 adam tennıspen aınalyssa, bú­ginde olardyń sany 30 myńnan asty. Tennıske qyzyǵýshylyqty arttyrý úshin 10 jasqa deıingi bala­larǵa arnalǵan «Beıbı tennıs» baǵdarlamasy quryldy. Odan bólek «Team Kazakhstan» akademııasy ashyldy. Oǵan daryndy oıynshylardy óńirlerden iriktep alamyz» dedi D.Dosqaraev.

Tennıs federasııasynyń óki­li Shymkentten shyqqan talant­ty órenderdi de atap ótti. Olar­dyń ishin­de 12 jasqa deıingi ult­tyq qu­rama sapynda óner kórsetetin Sabına Shuhratova, sol sekildi Nıkıta Nıkolenko syndy jaqsy oıynshylar bar. Sondaı-aq mega­polısti tennıs sporty úshin erek­she mańyzdy aımaq sanaıdy. Sebebi tennıs jazǵy sport túri­ne kiretindikten qystan keıin eń bi­rinshi syrt­qy kortta oıyn bas­taıtyn Shym­shahar sanalady. Infra­qury­lymy jaqsy bolǵandyqtan О́z­bekstannyń qurama komandasy osynda jattyǵý jasap turady. Ult­tyq tennıs ortalyǵy res­pýb­lıkalyq sport keshenine jatpaıdy. Bul jerde álemdik ten­nıs dodasyna lısenzııalyq jarystar uıymdastyrylady. Ten­nısten halyqaralyq Azııa fede­rasııasynyń ortalyǵy bolyp sanalady. «Úlken dýlyǵaǵa» jol salý úshin Azııanyń myqty raketkalary osynda daıyndalady. Respýblıkalyq tennıs fede­rasııasynyń Shymkent fılıalynda 20 adam jumys isteıdi. Olar qurama komandany Qazaqstan kýbo­gine, sheteldik jarystarǵa ­baptaıdy. Sonymen birge búgin­gideı halyqaralyq jarystardy ótkizýge atsalysady.

Tennıstiń artyqshylyǵy týraly aıtqan maman bul sporttyń jekeleı synǵa arnalǵanyn baıan etti. Sondyqtan sheshim qabyldaý jeke sportshynyń ózine baılanysty bolady. Sonymen birge tennıs sportshynyń boıynda qaısar minez, tabandylyq óz-ózine degen jaýapkershilikti sezinýdi qalyptastyrady. Raketkamen dop­ty urý tek qımyl-qozǵalys emes, ol sonymen qatar dene bulshyqeti men mıdy damytady. Tennıs te shahmat sekildi. Aldaǵy oıynyńdy josparlap otyrasyń. Biraq munda tez sheshim qabyldaý kerek. Álemniń kóptegen zertteýshisi 5 jyl boıy qaı sport adamǵa paıdaly ekenin zerttepti. Sonda tennıs birinshi oryn alǵan. О́ıtkeni joǵaryda aıtylǵandaı tennıste kóz de, mı da, aıaqtan bastap búkil dene qımyl-qozǵalysta bolady. Sondaı-aq árbir match aldynda oıynshylar bir-birin syılaýǵa, erejeni buzbaýǵa ant beredi. Sondyqtan D.Dosqaraev tennısti adamdy izgilikke, tártipke tárbıeleıtin eń ardaqty sportqa jatqyzady.

Eki myńynshy jyldardyń basynda tennıspen shuǵyldaný sportshylarǵa qymbatqa túsetin. Onymen negizinen qaltaly azamattar aınalysatyn. Deı tur­ǵanmen elimizdiń tennıs fede­ra­sııasy tennısti buqaralyq sportqa aınaldyrý úshin aldyna úsh strategııalyq maqsat qoıdy. Ol birinshiden korttar sanyn kóbeıtý ıaǵnı ınfraqurylym­dy damytý. Ekinshiden, joǵary dá­rejeli bilikti bapkerlerdi da­ıyndaý. Úshinshiden, tájirıbe almasý úshin túrli halyqaralyq jarystar uıymdastyrý. Mine osy maqsattyń úsheýi de Shymkent qa­lasynda sátti júzege asyp ke­ledi. Osyndaı jumystardyń nátı­je­sinde tennıs sportynyń baǵasy arzandady. Bapkerler sany artty. Shymshaharda 1994 jyly 2 to­pyraqty kort salynǵanyn aıtady maman. Onyń aldynda sportshylar asfaltta oınaǵan. Keıin 2004 jyly Suńqarda 4 kort boı kóterdi. 2010 jyly Ulttyq tennıs ortalyǵy ashylady. Sodan soń qosymsha 8 kort paıda boldy. Megapolıste jan basyna qar­­jylandyrý baǵdarlamasy – Artsporty boıynsha 190 bala ten­nısten tegin seksııalarǵa qatysyp júr.  Al  20 kortpen jabdyqtalǵan bul ortalyqta qazir 500-den asa kásibı sportshy jattyǵýda. Qazaq­standa 10 jasqa deıingi daryndy balalardy dál osy sport boıynsha iriktep alýǵa arnalǵan baǵdarlama jumys isteıdi. Oǵan jylyna 115 myń dollar bólinedi. Bul qara­jatqa tennıske qajetti barlyq oıyn quraldary satyp alynady. Federasııa sony barlyq óńirge teńdeı úlestirip beredi. Endi federasııa úlken qalalarda emes, aýdandar men shalǵaı aýyldarda da tennıs sportyn damytýdy aldyna maqsat qoıyp otyr.

Megapolıste tennısten 30 bap­ker jumys isteıdi. Jal­py Shymkent, Astana men Almaty sekildi respýblıkadaǵy tennıs spor­ty damyǵan qalalardyń al­dyń­ǵy úshtigine kiredi.

ShYMKENT