Aqsaqaldar keńesi – táýelsiz halyqaralyq uıym. 2014 jyly qurylǵan ınstıtýt musylman qaýymdastyǵyna beıbitshilik pen kelisim qundylyqtaryn nasıhattaıdy.
Keńestiń ofısinde ótken júzdesýde Darhan Qydyráli áriptesine forýmǵa shaqyrǵany úshin alǵys aıtyp, konfessııaaralyq kelisim men dıalogti damytý máselelerinde halyqaralyq uıymdar mańyzdy ról atqaratynyn jetkizdi. Sonymen qatar mınıstr Astanada ótken Álemdik jáne dástúrli dinder kóshbasshylarynyń VII sezi Deklarasııasynyń mazmundyq mańyzdylyǵy men ózektiligin eskere otyryp, bul qujatty ilgeriletýde Keńes róliniń erekshe bolaryna senetinin málimdedi.
Elimizde Musylman aqsaqaldar keńesiniń ókildigin ashý jumystary talqylanyp jatyr. Atalǵan ókildik aımaqtaǵy toleranttylyq pen beıbitshilikti nasıhattaýǵa óz úlesin qospaq. Muhammed Ábdelsalam Qazaqstannyń dinaralyq jáne ultaralyq qatynastaǵy jumystaryna joǵary baǵa berip, bul salada yntymaqtastyqty tereńdetýge nıetti ekenin bildirdi. Kezdesý qorytyndysynda Darhan Qydyráli Muhammed Ábdelsalamdy Astanada ótetin Halyqaralyq volonterler forýmyna shaqyrdy.
Budan bólek, Darhan Qydyráli Ábý Dabıdegi «Hedaıa» ortalyǵynyń atqarýshy dırektory Ahmed ál-Qasımımen kezdesti. 2012 jyly ashylǵan halyqaralyq ortalyq ekstremızm jáne terrorızmmen kúres baǵytyndaǵy zerteý jumystarymen jáne ońaltýmen aınalysady.
Darhan Qydyráli mınıstrlik pen «Hedaıa» ortalyǵy arasyndaǵy baılanystyń odan ári nyǵaıa beretinin jetkizdi. Qazirgi ýaqyttaǵy zorlyq-zombylyq ekstremızmine qarsy is-qımyl salasyndaǵy ózekti máseleler talqylandy.
