Quryltaıǵa Jazýshylar odaǵynyń basqarma múshelerimen qatar, elimizdiń barlyq óńirlerindegi músheleri, fılıal dırektorlary qatysady. Sonymen qatar alys-jaqyn shet elderden qurmetti qonaqtar, elimizdiń óner men ǵylym qaıratkerleri shaqyrylǵan.
«Quryltaıdyń jaqsy bir qasıeti – kóp jyl boıy kórmegen eski qalamdas dostarymyzdy kórip otyrmyz. Sondyqtan ázirshe quryltaıdyń atmosferasy kóńildi dep aıtýǵa bolady. Árıne, jazýshylardyń quryltaıy eshqashan únsiz ótken emes, jazýshylardyń úni árdaıym estilip otyrady. О́ıtkeni jazýshylyq degenniń ózi erkindik. Sondaı-aq moıyndaıtyn nárse – ár jazýshy ózinshe lıder. Sondyqtan qaı lıderdi saılaıtynymyz belgisiz bolyp tur», dedi Qazaqstannyń eńbek sińirgen qaıratkeri, jazýshy Smaǵul Elýbaı.
Jazýshylardyń bul alqaly jıynynda eki quryltaı aralyǵynda atqarylǵan sharýalarǵa esep berilip, ádebıetke qatysty máseleler kóteriledi, baǵyt-baǵdar aıqyndalady. Jáne quryltaı barysynda Qazaqstan Jazýshylar odaǵyna tóraǵa saılaýy ótedi. Úmitker kandıdattar arasynan daýys berý arqyly tóraǵa saılanady. Sonymen qatar tóraǵa orynbasarlary men hatshylyq quramy belgilenedi.Jazýshylardyń bul alqaly jıynynda eki quryltaı aralyǵynda atqarylǵan sharýalarǵa esep berilip, ádebıetke qatysty máseleler kóteriledi, baǵyt-baǵdar aıqyndalady.
«Qazaqstan Jazýshylar odaǵynyń jarǵysyna sáıkes 5 jylda bir ret esep berý-saılaý jınalysy bolyp turady. Búgin minekeı Qazaqstan jazýshylary men qalamgerleriniń úlken jıyny, úlken bas qosýy. Bul ótken 5 jylǵa esep berip, aldaǵy 5 jylda atqarylatyn jumystarǵa baǵyt-baǵdar belgileıdi. Búgingi jıynnyń aldynda óte kóp daý-damaılar boldy. Biraq qazirgi Qazaqstannyń ótpeli jaǵdaıynda bizdiń elimizge turaqtylyq kerek. Ol turaqtylyq zııaly qaýymnan, Qazaqstan Jazýshylar odaǵy sııaqty úlken birlestikten bastalady. Sondyqtan búgingi jıynda ózderiniń sheshimderin elimizdiń erteńi úshin baıandy bolatyndaı qabyldaıdy dep senemin», dedi jazýshy-pýblısıst Marat Toqashbaev.
Tóraǵa qyzmetine kim usynylyp, kim saılanatyny ázirge belgisiz.
