Foto: aa.com.tr
«Anadoly» agenttiginiń málimetinshe, saılaý ýchaskeleri tańǵy 8:00-de ashylyp, jergilikti ýaqyt boıynsha 17:00-de jabylǵan. Elde barlyǵy 191 885 daýys berý jáshigi ornatylǵan.
Túrkııada jáne shetelde 64,1 mıllıonnan astam saılaýshy daýys berdi. Saılaýshylarǵa prezıdent jáne depýtattar úshin 2 bıýlleten berildi.
Ortalyq saılaý komıssııasy aqpan aıyndaǵy jer silkinisinen zardap shekken eldiń 11 provınsııasynda daýys berý úshin qajetti sharalardy qabyldady.
Sheteldik ýchaskelerde 3,4 mıllıonnan astam adam daýys berdi. Olar úshin 73 elde jáne 156 sheteldik ókildikte saılaý komıssııalary quryldy. Túrkııanyń sheteldik ókildikterinde daýys berý prosesi 9 mamyrda aıaqtaldy.
Prezıdenttikke basty úmitkerler: 20 jyl bılikte otyrǵan Rejep Taııp Erdoǵan, 6 partııa atynan kandıdat bolǵan Kemal Kylychdaroglý jáne koalısııa ókili Sınan Ogan. Al tórtinshi úmitker Mýharrem Indje saılaýǵa úsh kún qalǵanda kandıdatýrasyn alyp tastady.
Saılaýǵa qatysý úshin 24 saıası partııa jáne 151 táýelsiz kandıdat tirkeldi. Eger úmitkerlerdiń eshqaısysy birinshi týrda kópshilik daýysqa ıe bolmasa, 28 mamyrda ekinshi týr ótedi.
