Jas otbasylar «Seriktes», «Kim júırik?», «Basketbol», «Boýlıng» dep atalatyn tórt kezeńnen turatyn básekede baq synady. Igi is-sharanyń ashylýynda sóz alǵan oblys ákiminiń orynbasary Beısen Tájibaev baıqaýdyń otbasylyq qundylyqtardy nyǵaıtýdaǵy mańyzdylyǵyna toqtalyp, qatysýshylarǵa sáttilik tiledi.
«Memleket turaqty damýy úshin ár otbasynda tatýlyq, birlik, bereke bolýy kerek. Bul rette demografııalyq ósimi joǵary Túrkistan oblysy úshin otbasy qundylyqtaryn dáripteýdiń mańyzy zor. О́ıtkeni altyn qursaqty, kópbalaly analardyń basym bóligi bizdiń oblysta turady. О́ńirimiz – jastar sany boıynsha da aldyńǵy qatarda. Qazirgi tańda oblysta 4 myńnan asa otbasy bar jáne jyl saıyn myńdaǵan jas shańyraq kóteredi. Búgin, mine, otbasyndaǵy syılastyq, eńbekqorlyq, adamgershilik qasıetterimen daralanǵan otbasylar synǵa túsip, ózderiniń uıymshyldyǵyn kórsetip jatyr», dedi Beısen Dáýletuly.
Saıys nátıjesinde otbasyndaǵy jarasymdylyǵymen erekshelenip, urpaqtar sabaqtastyǵynyń qaıtalanbas úlgisin kórsetkender júldeli oryndarmen marapattaldy.
Sondaı-aq Sozaq aýdany Sholaqqorǵan aýylyndaǵy ortalyq stadıonda mereke qarsańynda aýdan ákimdigi men «Baq nury» isker áıelder qoǵamdyq birlestiginiń uıymdastyrýymen alǵash ret qyz-kelinshekter arasynda júgirý marafony uıymdastyryldy. Salamatty ómir saltyn ustaný men buqaralyq sportty odan ári damytýǵa arnalǵan is-sharaǵa aýdan ákimi Muhıt Turysbekov qatysyp, búginde óz isin dóńgeletip otyrǵan isker áıelder men otbasylyq qundylyqtardy saqtaýda kópshilikke úlgi bolyp otyrǵan kópbalaly analar jáne qyz-kelinshekterden quralǵan «Baq nury» isker áıelder qoǵamdyq birlestiginiń aldaǵy jumystaryna sáttilik tilep, is-sharanyń mańyzyn atap ótti.
Merekege oraı uıymdastyrylǵan marafonǵa aýdanda túrli salada qyzmet etip júrgen 150-ge jýyq qyz-kelinshek qatysty.
Túrkistan oblysy
