Atalǵan norma fermerlerge asa qajet ammonıı nıtraty jáne ammofos sııaqty tyńaıtqyshtar túrlerine qatysty. Ishki naryqty, ásirese, kóktemgi egis maýsymy kezinde osy tyńaıtqyshtarmen qamtamasyz etý mańyzdy, bul maqsatta Úkimet olardyń qunyn 50 paıyz kóleminde sýbsıdııalaıdy. Úkimettiń aıtýynsha, baǵanyń tómendigin alypsatarlar da paıdalanyp ketip jatyr. Osylaısha, keden organdary elimizde sýbsıdııalanatyn tyńaıtqyshtardy óndirýshilerden bólek naryq sýbektileri eksporttaǵan faktilerdi de tirkeýde. Bul otandyq agrarıılerdiń suranysyn qamtamasyz etýge keri áser etedi.
Sondyqtan Úkimet tyńaıtqyshtardyń osy túrlerin tek olardy óndirýshilerge ǵana eksporttaýǵa aıryqsha quqyq berý týraly sheshim qabyldady. Otandyq agrarıılerdiń tyńaıtqyshtarǵa degen suranysy óńir ákimdikteriniń ótinimderine sáıkes basym tártippen qamtamasyz etilmek.
Aıta ketý kerek, qabyldanǵan qaýly negizinde zańda belgilengen merzimde tıisti lısenzııalar berý tártibin retteıtin birqatar normatıvtik-quqyqtyq aktiler ázirlenedi. Indýstrııa jáne ınfraqurylymdyq damý mınıstrliginiń Indýstrııalyq damý komıteti lısenzııa berýmen aınalysady.
