Shańyraq shybyǵy

Máselen, 15 mamyrda Qos­ta­naıda «Mereıli otbasy» ult­tyq baıqaýy aıasynda uıym­das­tyrylǵan «Otbasy aǵashy» ak­sııasy barysynda 20 jas ot­basy ortalyq saıabaqqa baryp, óz otbasylarynyń atynan aǵash kóshetterin otyrǵyzdy. Aýqym­dy is-sharaǵa jas otbasylardan bólek, 30 shaqty erikti, 40-tan astam qala turǵyny qatysty.

Kópshilik tarapynan qoldaý tapqan ıgi sharaǵa atsalysqan ár otbasy ózderi otyrǵyzǵan qos túp aǵashtyń janynda estelik sýretke túsip, aǵash ósip turǵan oryndy keıin adaspaı taýyp alatyndaı etip belgilep qoıdy.

Shańyraq kótergenderine kóp bola qoımaǵan Dúısekovter otbasy úsh túp aǵash otyrǵyzypty.

– Biz mundaı aksııaǵa birin­shi ret qatysyp otyrmyz. Shyn má­ninde, bul kún bir shańyraq astynda tatý-tátti ómir súrip jatqan ár ot­basy úshin mańyzdy mereke dep bilemin. Búginde ózimiz sııaqty jastarǵa memleket tarapynan jasalyp jatqan qoldaý kóp. Mysaly, osydan eki jyl buryn biz memlekettik baǵdarlama ar­qyly baspana aldyq. Qazir Qos­tanaıda boı kóterip jatqan jańa shaǵyn aýdandarda negizinen jas otbasylar turady. Joldasym ekeýmiz jastar resýrstyq or­talyǵy men oblystyq ákimdik uıymdastyrǵan búgingi is-sharaǵa atsalysyp, óz otbasymyzdyń atynan ataýly aǵashtarymyzdy otyrǵyzýdy jón sanadyq. Búgin otyrǵyzylǵan kóshetter tamyry bekip, boılap óskenshe ózimiz sýaryp, kútim jasap otyramyz. Mysaly, búgin júz shaqty aǵash kóshetteri otyrǵyzyldy. Osyndaı ıgi sharalar jıi uıymdastyrylyp tursa, saıaly aǵashtar da kóbeıip, Qostanaı jasyl qalalardyń qataryna qosylar edi dep oılaımyn. Bul osymen toqtap qalmaýy kerek. Kóktemde bas qosyp, otaý qurǵan jas otbasylar óz úıleriniń mańaıyna bir-eki túp aǵash otyrǵyzýdy dástúrge aınaldyrsa, jaqsy emes pe?, – deı­di aksııaǵa qatysýshy Ju­par Dúısekova.

«Otbasy aǵashy» aksııasyn uıymdastyrýshylardyń aıtýyn­sha, atalǵan is-sharalar barysynda erikti jastar qa­ladaǵy trıatlon saıabaǵy men Táýel­siz­diktiń 25 jyldyǵy atyndaǵy saıa­­­baqta tal egý, gúl otyrǵyzý ju­­mystaryn júrgizgen.

Jas jubaılar ataýly aǵash­­­ta­ryn otyrǵyz­ǵan soń, Qazaq­stan halqy Assam­bleıa­synyń jer­gilikti fılıaly men oblystyq Ana­lar keńesi uıym­dastyrǵan «Aby­syn-ajyn» baı­qaýyna qatysty.

– Baıqaý – halyqaralyq otbasy kúnine oraı uıymdastyrylyp otyr. Oǵan ár aýdannan kelgen on tórt jas otbasy qatysty. Halqymyzda «Abysyn ta­tý bol­sa, as kóp» degen dana sóz bar. Eń bas­ty maqsatymyz – ot­basy qun­dy­lyqtary men ozyq dástúrlerdi dá­ripteý. Kóp­shilik­ke úlgili otbas­ylar­dy nası­hat­­taý deıdi ob­lys­tyq Analar keńesiniń tór­aǵasy Aıjan Kish­kentaeva.

Qostanaı oblysy