Besinshi matchta Qazaqstan Slovakııa quramasymen kezdesti. Esepti qarsylas komanda birinshi kezeńniń sońyna 5 mınýt qalǵanda ashty. Ekinshi oıynnyń basynda esepti teńestirýge múmkindik týdy, Roman Starchenko slovaktardyń qaqpasyna gol soqty.
Qarsylas komanda hokkeıshileri aıyp alańyna shyǵa bastady, osy tusty qazaqstandyqtar utymdy paıdalana bildi: aldymen Valerıı Orehov Slovakııanyń besinshi nómirli oıynshysy aıdynnan ketkennen keıin 5 sekýndtan soń óz komandasyn alǵa shyǵardy, sodan keıin Evgenıı Rymarev upaıdy eseleı tústi. Biraq úshinshi taımda slovaktar bizdiń qaqpaǵa eki shaıba soǵyp, esepti teńestire aldy.
Qazaqstan quramasynan Roman Starchenko (22-mınýt), Valerıı Orehov (25-shi), Evgenıı Rymarev (26-shy), erekshe kózge túse bildi, býllıtter serııasynda da qazaqstandyqtar tórt ret shaıba soqty. Slovaktardan Patrık Koh (15-shi), Rıchard Pavlık (49-shy) jáne Pavol Regenda (57-shi) nátıjeli soqqylarymen erekshelendi.
Buǵan deıin habarlanǵandaı, qazaqstandyq hokkeıshiler býllıt boıynsha Norvegııa quramasyn 4:3 esebimen jeńip, Chehııadan (1:5), Shveısarııadan (0:5) jáne Kanadadan (1:5) jeńilip qalǵan edi.
Sonymen bes match ótkizgen Qazaqstan quramasynda tórt upaı bar, al komandamyz V tobynyń týrnır kestesinde altynshy orynda tur.
Ǵalym Mambetalıevtiń shákirtteri kelesi matchty 20 mamyrda Latvııa quramasyna qarsy ótkizedi. Kezdesý Astana ýaqyty boıynsha saǵat 23:20-da bastalady, ony «Qazsport» telearnasynan kórýge bolady.
