О́z sózinde Álıhan Smaıylov ótken jyldary memleketter arasynda berik jáne úılesimdi qarym-qatynastar qalyptasqanyn atap ótti. Búginde Sıngapýr – Qazaqstannyń ASEAN aımaǵyndaǵy eń iri saýda jáne ınvestısııalyq seriktesi.
О́tken jyldyń qorytyndysy boıynsha ekijaqty taýar aınalymy 65%-ǵa ósip, $2 mlrd-qa jýyqtady.
Sondaı-aq osy kezeńde sıngapýrlyq ınvestısııa kólemi 6 ese ósip, $400 mln qurap, rekordtyq deńgeıge jetti.
«Búginde Qazaqstanda 230-dan astam sıngapýrlyq kompanııa men birlesken kásiporyndar tabysty jumys isteýde. Sonymen qatar ekonomıkalyq baılanystarymyzdy odan ári keńeıtip, tereńdetýge áleýetimiz jeterlik. Bizde serpindi ınvestısııalyq jobalardy júzege asyrýǵa qajetti barlyq alǵysharttar bar», dedi Álıhan Smaıylov.
Qazaqstanda iri sıngapýrlyq kompanııalardyń qatary belsendi túrde artyp keledi.
«Sıngapýrlyq bıznestiń Qazaqstanda birlesken jobalardy iske asyrýǵa qyzyǵýshylyǵy artyp kele jatqany bizdiń elimizdiń ınvestısııalyq ahýaldy jaqsartýǵa úlken kóńil bólip otyrǵanyn dáleldeı túsedi. Bul memlekettik qoldaý sharalary men túrli preferensııalar arqyly aıqyn kórinedi. Osylaısha, ekonomıkanyń basym sektorlaryna baǵyttalǵan arnaıy ekonomıkalyq jáne ındýstrııalyq aımaqtar jumys isteıdi. Oǵan qatysýshylar barlyq qajetti ınfraqurylymǵa qol jetkize alady. Biz sıngapýrlyq áriptesterimizben yntymaqtastyǵymyzdy odan ári tereńdetýge daıynbyz», dedi Premer-mınıstr.
О́z tarapynan Prezıdent Halıma Iаkob Qazaqstan Sıngapýrdyń Ortalyq Azııadaǵy eń iri seriktesi ekenin atap ótip, elder arasyndaǵy qarym-qatynastardyń odan ári nyǵaıa túsetinine senim bildirdi.
«Búgingi bıznes-forým Qazaqstanda jobalardy júzege asyrý múmkindikterin zerttegisi keletin kóptegen bıznes kóshbasshylaryn, onyń ishinde, sıngapýrlyq kompanııalardyń basyn qosty. Kúsheıip kele jatqan geosaıası syn-qaterlerdi eskere otyryp, bul eki eldiń ekonomıkasyn ártaraptandyrýǵa yqpal etedi. Osy turǵyda Sıngapýr seriktestikti keńeıtýge árdaıym ashyq. Ortalyq Azııanyń kindik ortasynda ornalasqan Qazaqstan óziniń orasan zor resýrstarymen ártúrli memleketter men kompanııalar úshin ınvestısııalyq tartymdy el bolyp tabylady», dedi Prezıdent Halıma Iаkob.
Forým qorytyndysy boıynsha saýda, ınvestısııa, logıstıka jáne memlekettik qyzmetkerlerdi oqytý salalaryndaǵy yntymaqtastyqty nyǵaıtýǵa baǵyttalǵan birqatar ekijaqty kelisimder men memorandýmdarǵa, sondaı-aq quny $275 mln bolatyn kommersııalyq qujattarǵa qol qoıyldy.
