Qazaqstan — Slovenııa matchy Astana ýaqyty boıynsha 23:20-da bastalǵan bolatyn. Úsh taımǵa sozylǵan oıynda 4:3 esebimen Qazaqstan quramasy jeńiske jetti.
Bul kezdesýde Qazaqstan quramasynyń Evgenıı Rymarev atty oıynshysy úzdik dep tanyldy.
Al qaqpashy Andreı Shýtov, qorǵaýshy Ádil Beketaev, Qazaqstan quramasynyń kapıtany Roman Starchenko hokkeıden álem chempıonatynda erekshe kózge túsken oıynshylar retinde marapattaldy.
Hokkeıden álem chempıonaty barysynda alty match ótkizip úlgergen Qazaqstan quramasy qorjynynda tórt upaı bar. Slovenııa quramasyna keletin bolsaq, ol alty oıynda bir de bir upaı jınaı almady. Sondyqtan sarapshylar eki komanda úshin de bul matchtyń asa bir mańyzy joq ekenin aldyn ala aıtqan bolatyn.
