Qazirgi ýaqytta Otbasy banki ótinim berý júıesin aıaqtaýǵa jaqyn. Bul baǵdarlama eń aldymen turǵyn úı kezegine tirkele almaıtyn sala mamandaryna arnalǵan. Oǵan dárigerler, medbıkeler, sanıtarlar, pedagogter, tárbıeshiler, JOO jáne kolledj oqytýshylary, ǵylymı qyzmetkerler, mádenıet jáne sport salasynyń qyzmetkerleri, jýrnalıster, energetıka salasynyń jáne «Azamattarǵa arnalǵan úkimet» memlekettik korporasııasy KEAQ fılıalynyń qyzmetkerleri, memlekettik jáne bıýdjettik uıymdardyń qyzmetkerleri qatysa alady.
Jańa turǵyn úı baǵdarlamasy sheńberinde ótinimderdi qabyldaý jáne áleýetti qaryz alýshylardyń tizimin qalyptastyrýda basty operator Otbasy Banki bolyp tabylady. Jeńildetilgen nesıeleýge úmitkerlerdi irikteýden ótkizý baldyq júıe arqyly esepteledi.
Sharttary:
Maksımaldy nesıe sommasy - 20 mln teńge
paıyzdyq mólsherleme - 5% (JTSM - 5.2% bastap)
bastapqy jarna - 10%
JAO-da kezekke turý mindetti emes
Shymkent qalasynda sońǵy 3 jylda tirkelgen bolý kerek
- belgili bir jumys ornynda Shymkent qalasynda sońǵy 12 aıdan kem emes eńbek qyzmetin júzege asyrý;
- sońǵy 5 jyl baspana tirkelmegen bolýy kerek.
