Kremnıı alqabynda oqyp júr

«Astana Hub»-tyń habarla­ýynsha, jas IT-kompanııalar «Hero Training» baǵdarlamasynyń ekinshi kezeńine sátti ótti. Baǵdarlamany «Draper University» men «Draper Fisher Jurvetson» venchýrlyq kompanııasynyń negizin qalaýshy Tım Dreıper ashty.

Bastapqyda baǵdarlamaǵa 199 startap­tan­ ótinim túsken. Sonyń 80-i preakse­le­ra­sııadan ótip, nátıjesinde 15 úzdik jo­ba tańdalǵan. Olar – «Flowsell.me»,­ «ozen», «CITIX», «SpaceLab», «Smartestprep», «BEEP», «Beyne.ai», «Sqm­-invest», «Connected Home Ltd.», «Med365», «Big Dream Lab», «Alaqan Techno­logies» (barlyǵy – Qazaqstan), «Smart­ Technologies» (Qyrǵyzstan), «FIBO­ CLOUD» (Mońǵolııa), «Medixbot» (Túrkııa).

Sondaı-aq tórt startap («Beyne.ai», «GoDays», «BEEP» jáne «Smartestprep») árqaısysy 30 myń dollar turatyn «my ventures» baǵdarlamasynyń seriktesinen ınves­tısııa aldy.

«Bul – bizdiń startaptarymyzǵa alǵash ret usynylyp jatqan biregeı múmkindik. Qa­tysýshylardyń quramy ártúrli bol­ǵa­nyna qýanyshtymyz. Otandyq startaptarmen qatar Qyr­ǵyz­stan men Moń­ǵo­lııadan kelgen startaptarǵa Kremnıı alqa­bynda oqýǵa múmkindik berdik. Son­daı-aq bizdiń baǵdarlamaǵa alǵash ret Túrkııa startapy qatysyp jatyr. Sony­men qatar eki aptalyq preakselerasııa nátı­jesi boıynsha «Draper University Ven­tures» komandasy 15 fınalıs­ten bas­qa­ «follow-up meeting»-ke taǵy da bir­qa­tar jobany shaqyrý týraly sheshim qabyl­dady. Bul qatysýshylarǵa «Draper University's dedicated alumni fund» atynan 100 myń dollarǵa deıin qarjylandyrýdy tartýǵa qosymsha múm­kin­dik beriledi», dedi «Astana Hub» bas dırek­tory Maǵjan Mádıev.

«Astana Hub» jáne «Draper University» serik­testigi aıasynda­ Kremnıı alqabynda star­taptar qarqyndy akselerasııa baǵdar­la­masynan ótedi jáne óz jobalaryn álem­dik­ naryqqa, onyń ishinde AQSh naryǵyna massh­tabtaýǵa múmkindik alady.

Qarqyndy akselerasııalyq baǵ­dar­lama «Draper University»-degi kampýs bazasynda ótedi. Alty aı boıy barlyq startapqa bas­pana men jumys keńistigi usynylady. Osy kezeńde qatysýshylardyń tájirıbeli tehno­logııalyq kásipkerler men «Draper» eko­júıe­si sarapshylarynyń jetek­shi­li­gimen ınvestısııa tartýǵa jáne AQSh na­ryǵyna shyǵýǵa biregeı múmkindigi bola­dy.

Kremnıı alqabyndaǵy oqý kezinde startaptar úshin «Demo Day»-ge qatysý (oflaın), netvorkıng, sarapshylardyń saraptamasy men tálimgerligi qol­jetimdi bolady ári olarǵa AQSh-taǵy «Astana Hub» halyqaralyq agenttigi qoldaý kórsetedi.

Aıta keteıik, osy jyldyń 10 naý­ryzynda San-Mateoda (Kalıfornııa shtaty) elimizdiń Sıfrlyq damý, ınno­vasııalar jáne aeroǵarysh ónerkásibi mınıstri Baǵdat Mýsınniń AQSh-qa resmı sapary kezinde «Astana Hub» bas dırektory Maǵjan Mádıev pen «Draper University» prezıdenti Asra Nadım yntymaqtastyq týraly shartqa qol qoıǵan bolatyn.

«Draper Ecosystem» – ınnovasııalyq eko­júıeni qoldaý úshin ozyq fasılıta­tor­lar men tálimgerlerdiń, salalyq sarap­shy­lardyń, korporatıvtik seriktesterdiń jáne ınvestorlardyń teńdesi joq jelisin usy­ný arqyly talanttardy, sarapshylar­dy­ jáne ınves­torlardy biriktirýdiń bire­geı­ tásili. «Draper University» negizin venchýr­lyq kapıtal bıznesinde 38 jyldyq táji­rıbesi bar Tım Dreıper qalaǵan. Onyń basqarýynda 11 qor bar, oǵan 7,7 mlrd dollar ınvestısııa salǵan.