Olar oryndalǵan jumystar aktilerine qol qoıǵany jáne jalpy «qamqorlyǵy» úshin kásipkerlerden somasy 396 mln teńgege iri jáne asa iri mólsherde para alǵany úshin aıyptaldy.
Tergeý sotynyń sanksııasymen kúdiktiler qamaýda otyr.
«Qazirgi ýaqytta qylmystyq is QR QPK 300-baby tártibinde sotqa jiberý týraly máseleni sheshý úshin Almaty oblysynyń prokýratýrasyna berildi. Tergeý múddesi úshin ózge aqparat jarııa etýge jatpaıdy», delingen vedomstvo habarlamasynda.
Sonymen birge, Konstıtýsııanyń 77-baby 3-tarmaǵynyń 1-tarmaqshasyna jáne Qylmystyq-prosestik Kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.
