25 mamyrda Instagram-da jarııalanǵan vıdeo sıpattamasynda bul: «Taldyqorǵan - Qonaev tas joly mańyndaǵy Arqarly asýy men Sheńgeldi eldi mekeni aralyǵyndaǵy sulý dala» ekeni jazylǵan.
Bul vıdeoǵa pikir qaldyrýshylar júrgizýshiniń ospadar áreketine narazy boldy:
«Mine, osyndaılardyń kesirinen bizdiń elimiz áli 500 jyl búkken tizesin tikteı almaıdy»,«adamdar qorshaǵan ortaǵa degen osyndaı tutynýshylyq kózqarasyn qashan qoıady», «bul jabaıylyq úshin 1 000 000 teńge aıyppul salý kerek! Sodan keıin ol kelesi joly oılanatyn bolady», «Nelikten bizdiń adamdar únemi bárin buzýǵa daıyn turady?», «3 jylǵa kólik júrgizý quqyǵynan aıyrý kerek», dep oılaryn ortaǵa saldy.
Jetisý oblysynyń polısııasy jelidegi vıdeony tekserip, BMW ıesi Kerbulaq aýdanynyń 34 jastaǵy turǵyny ekenin anyqtady.
«Júrgizýshiniń is-áreketi QR ÁQBtK-niń 386-babynda kózdelgen buzýshylyq (jasyl jelekterdi ustaý jáne qorǵaý erejelerin buzý) oryn alǵany baıqalady. Belgili bolǵandaı, qazirgi ýaqytta er adam jumys saparynda, qaıtyp oralǵannan keıin ol qoldanystaǵy ákimshilik zańnamaǵa sáıkes jaýapqa tartylady», dep túsindirdi Jetisý oblysy PD baspasóz qyzmeti.
