Jalǵan dárilerden saqtanyńyz

ASTANA. 18 shilde. Jalǵan dárilerdiń paıda bolýynyń belgili qaýipteri bar. Ol eń aldymen álemdik jalǵan dáriler aınalysynyń artýymen baılanysty. Bul týraly Densaýlyq saqtaý mınıstrligi habarlady. Mınıstrliktiń habarlaýynsha, kelip túsken aryz-shaǵymdar boıynsha belgili halyqaralyq brendterdiń jalǵan túriniń 90-nan asa faktisiniń anyqtalǵanyn aıtýǵa bolady.  Mysaly, sonyń ishinde «Farıngosept», «No-shpa», «Essensıale», «N forte», «Vıagra», «Mezım forte», Sýmamed» jáne basqa da dáriler jıi kezdesedi. QR Kodeksinde 2006 jyldan bastap jalǵan medısınalyq ónimderdi óndirgeni, satyp alǵany, saqtaǵany jáne ótkizgeni, sondaı-aq jarnamalaǵany úshin ákimshilik jaýapkershilik aıqyndalǵan. Al, 2013 jylǵy tamyz aıynan bastap jalǵan medısınalyq ónimdi anyqtaý kezinde aldaǵy júrgiziletin tekserý týraly jeke kásipkerlik sýbektilerine habarlama jiberý qajettiligi alynyp tastaldy, dep habarlady Densaýlyq saqtaý mınıstrliginiń baspasóz qyzmeti. Aıgúl Seıilova. Foto: www.google.com Derekkóz: Qazaqstan Respýblıkasy Densaýlyq saqtaý mınıstrligi.