Ol 1800 jyly Fıladelfııadan Vashıngtonǵa jańa ulttyq úkimet kóshirilgennen keıin quryldy. Kongress aktisimen kitap satyp alýǵa 5000 dollar bólindi, biraq 1814 jyly Kapıtolıı ǵımaraty órtenip, 3000 tomnan turatyn negizgi kitap qory joıylyp ketti. Kelesi jyly keıin Kongress Tomas Djeffersonnyń jeke kitaphanasynan kitaptar alyp qordy tolyqtyrdy.
Búgingi tańda kitaphana qorynda 470 tilde 38 mıllıonnan astam kitap bar, al kitap sóreleriniń jalpy uzyndyǵy 1200 km-ge jetedi. Qorǵa kún saıyn 10 myń kitap qosylyp otyrady.
Kitaphana ǵımaraty ıtalıandyq stılde mármár men granıtten turǵyzylǵan jáne Kapıtolııdiń qarsy jaǵynda ornalasqan. Kitaphananyń saıty arqyly onlaın ekskýrsııa jasaýǵa da bolady. Qordaǵy kitaptardyń da elektrondy nusqasy qoljetimdi. 1993 jyldan bastap kitaphana óz kolleksııalaryn sıfrlandyryp, olardy veb-portalǵa ornalastyrǵan.
Kitaphana tek kitaptardy ǵana emes basqa da qundy materıaldardy saqtaıdy. Onda 3,6 mıllıon aýdıo, 14 mıllıon fotosýret, 5,5 mıllıon geografııalyq karta, 8,1 mıllıon mýzykalyq jınaq jáne 70 mıllıon qoljazba bar.
