Sharaǵa Májilis jáne Senat depýtattary, jýrnalıster men respýblıkalyq balalar uıymdarynyń ókilderi qatysty.
Halyqaralyq balalardy qorǵaý kúnine oraı dástúrli túrde ótetin is-sharanyń bıylǵy ereksheligi - óz zamandastary arasynda izgi áreketterimen, batyldyǵymen, eńbekqorlyǵymen, bilim men ǵylymǵa, ónerge qushtarlyǵymen daralanǵan balalarǵa «Samǵa, Balapan!» júldesi tabystaldy. Bul - «Balapan» telearnasynyń Redaksııalyq alqasynyń sheshimimen beriletin arnaıy marapat.
Festıvaldiń «Bala batyr» nomınasııasy 2022 jylǵy 3 jeltoqsan kúni Atyraý qalasyndaǵy Jaıyq ózeniniń jaǵasynda dostaryn sýdan aman alyp qalǵan Dinmuhammed Jańbyrbaıǵa, «Sportshy balapan» nomınasııasy 9 jasqa deıingi balalar arasynda shahmattan Álem chempıony, G09 boıynsha FIDE reıtınginiń basynda turǵan Alanna Berikqyzyna, «О́nertapqysh bala» atalymy robototehnıka boıynsha halyqaralyq baıqaýlardyń jeńimpazy, almatylyq 13 jastaǵy Dıas Muratovqa, «Qamqor bala» nomınasııasy Aqmola oblysy Atbasar aýdanynyń 10 jastaǵy turǵyny, respýblıka boıynsha eń jas erikti Ksenııa Pelıh pen qarııalarǵa kómek qolyn sozyp júrgen Astana qalasyndaǵy №15 mektep-lıseıdiń 8-synyp oqýshysy Ámına Temirhanovaǵa tabystaldy.
«Samǵa, Balapan!» júldesiniń «Meniń súıkimdi keıipkerim» arnaıy nomınasııasyn kórermen kózaıymyna aınalǵan «Jibek» anımasııalyq mýltserıalynyń basty keıipkeri ıelendi. Jeńimpaz «Balapan» telearnasynyń veb-resýrstary arqyly kórermender arasynda júrgizilgen saýalnama nátıjesinde anyqtaldy.
Sharanyń televızııalyq nusqasy «Balapan» telearnasynan 1 maýsym kúni saǵat 13:30-da kórsetiledi.
