Taraptar kelissóz barysynda Qazaqstan men BJKB-nyń bosqyndar men baspana izdep júrgen adamdardyń quqyqtaryn qorǵaý, sondaı-aq azamattyǵy joqtyqty odan ári boldyrmaý salasyndaǵy yntymaqtastyqtyń ózekti máseleleri men ózara is-qımylynyń keleshek baǵyttaryn talqylady.
Senator Qazaqstan óziniń halyqaralyq-quqyqtyq mindettemelerin udaıy oryndaı otyryp, bul jumysty júıeli negizde júzege asyryp kele jatqanyn atap ótti.
Qazaqstan aralas kóshi-qon salasyndaǵy óńirlik yntymaqtastyq pen úılestirýdi ilgeriletetin 9 el aıasyndaǵy Almaty prosesine qatysady. Qazaqstanda bosqyndarǵa beriletin jol júrý qujattary IKAO standarttaryna sáıkes olardyń elimizden tys jerlerde júrýin qamtamasyz etedi.
«Bizdiń elimiz adamdardyń azamattyǵy joq bolýyn azaıtý, bosqyndardy, ishki qonys aýdarǵan adamdardy, sondaı-aq azamattyǵy joq adamdardy qorǵaý jáne gýmanıtarlyq kómek kórsetý boıynsha belsendi is-qımyl jasap keledi. Osylaısha, bosqyndar máseleleri jónindegi Jahandyq forýmdy iske asyrýǵa naqty úles qosylyp otyr. Biz aldaǵy ýaqytta da óńirdegi BJKB-nyń tıimdi seriktesi bolyp qalýǵa jáne kóshi-qonnyń barlyq túrleri salasyndaǵy osyndaı ózara is-qımyldy keńeıtýge nıettenip otyrmyz», dedi Asqar Shákirov.
Indrıka Ratvatte yntymaqtastyqtyń aǵymdaǵy deńgeıin oń baǵalady jáne BUU BJKB Qazaqstan Respýblıkasyna, onyń ishinde ýákiletti organdarǵa saraptamalyq konsýltasııalar berý, sondaı-aq ulttyq kóshi-qon zańnamasyn jetildirýge járdemdesýdi jalǵastyrýǵa daıyn ekenin bildirdi.
Qazaqstan men BUU BJKB kezdesý qorytyndysy boıynsha bosqyndardyń quqyqtaryn qorǵaý salasyndaǵy yntymaqtastyqty odan ári nyǵaıtý týraly ýaǵdalastyqqa qol jetkizildi.
Senatorlar Murat Qadyrbek, Alısher Satvaldıev jáne Qaırat Tastekeev, sondaı-aq BUU-nyń Qazaqstandaǵy Turaqty úılestirýshisi Mıkaela Frıberg-Storı jáne BUU-nyń Ortalyq Azııa boıynsha Bosqyndar jónindegi Joǵarǵy Komıssary basqarmasynyń ókili Hans Frıdrıh Shodder kezdesýge qatysty.
