Atap aıtqanda, sessııa bastalǵannan beri Májilis depýtattarynyń qaraýynda 75 zań jobasy boldy. Onyń 14-i qabyldanyp, Senatqa joldandy. Qazirgi ýaqytta depýtattardyń qaraýynda onlaın-platformalar, zańsyz satyp alynǵan aktıvterdi qaıtarý, «Ulttyq qor – balalarǵa» bastamasyn júzege asyrý, qoǵamdyq baqylaý, Turǵyn úı qatynastaryn jetildirý týraly zań jobalary bar.
Erlan Qoshanov saılaýshylarmen jumystyń kúsheıtilgeni týraly aıtty. Azamattardy qabyldaý, komıtetterdiń salalyq jáne kóshpeli otyrystary turaqty ótkizilip turady. Depýtattar halyqtyń ózekti máselelerine qatysty saýaldardy jıi joldaı bastady.
Jýyrda 2022 jylǵy respýblıkalyq bıýdjettiń jumsalýy týraly Úkimettiń jáne Joǵary aýdıtorlyq palatanyń esebine qatysty qoǵamdyq tyńdalym ótedi. Prezıdentke atalǵan sharaǵa daıyndyq barysy týraly baıandaldy.
Májilis Tóraǵasy parlamenttik dıplomatııa aıasyndaǵy jumystyń qorytyndylary týraly da aıtty. Budan bólek, Májilis bıyl maýsym aıynda Qazaqstannyń tóraǵalyǵy aıasynda BUU qoldaýymen uıymdastyrylatyn Ortalyq Azııa elderi áıelderiniń dıalogynyń birinshi otyrysyn ótkizýge daıyndalyp jatyr.
