Bul kúni balalar aýylynda «Jas sarbaz» áskerı-patrıottyq klýby ashyldy. Jas patrıottar ant berip, balalar men jasóspirimder qozǵalysynyń kýáligin aldy.
– Bizdiń qozǵalystyń quramynda 250 myńnan astam adam bar. Sizder úshin áskerı-patrıottyq klýbtaǵy sabaqtardy qyzyqty, tanymdyq jáne paıdaly etip ótkizýge tyrysamyz, – dedi qozǵalys jetekshisi, maıor Meıirbek Meńdiǵalıev.
Ulttyq áskerı-patrıottyq ortalyǵynyń basshysy Arman Ásenov tárbıelenýshilerdi merekemen quttyqtap, osynaý iste jaýapkershilik tanytýǵa shaqyrdy. «Sizder birer jyldan soń Otan qorǵaýshy atanasyzdar. Bul óte abyroıly ári jaýapty mindet», dedi ol óz sózinde.
«Jas sarbaz» shyǵarmashylyq stýdııasy daıyndaǵan merekelik konsert, anımatorlar men túrli oıyndar balalarǵa keremet kóńil kúı syılady. «SF» tátti taǵamdar jelisiniń qoldaýymen 150 balaǵa dámdi as taratyldy.
Eske sala keteıik, «SOS balalar aýyly» – jetim balalar men ata-anasynyń qamqorlyǵynsyz qalǵan balalarǵa uzaq merzimdi otbasylyq qamqorlyq kórsetý baǵdarlamasy.
Mereı AÝǴALI,
L.N.Gýmılev atyndaǵy EUÝ stýdenti
