Ásem Núsipovanyń aıtýynsha, qazirgi kezde shaharda qosymsha bilim beretin 17 mekeme bar.
Mektep jasyndaǵy 320 myń balanyń tek 10 paıyzy tegin úıirmelermen jáne sport seksııalarymen qamtamasyz etilgen.
Prezıdenttiń tapsyrmasy boıynsha «100 zamanaýı oqýshylar saraıyn salý» baǵdarlamasyn júzege asyrý maqsatynda Alataý aýdanynda taǵy da osyndaı ınnovasııalyq shyǵarmashylyq ortalyq salynǵan. Osyndaı nysandardyń balalarǵa qoljetimdiligin qamtamasyz etý úshin Túrksib jáne Bostandyq aýdandarynda burynǵy eski oqýshylar saraıynyń ornyna jańadan damý jáne shyǵarmashylyq ortalyqtaryn salý josparlanǵan.
Jalpy, qala basshylyǵy 2025 jyldyń sońyna qaraı tegin qosymsha bilimmen qamtý kórsetkishin 25 paıyzǵa jetkizýdi kózdep otyr.
