Qazaqstan Respýblıkasy Kólik jáne kommýnıkasııa mınıstrliginiń buıryǵy №991

2013 jylǵy 10 jeltoqsan, Astana qalasy «Sýbsıdııalanatyn marshrýttarda ushýdy oryndaǵan kezde ushý saǵatynyń ózindik quny esebiniń nusqaýlyǵyn bekitý týraly» Qazaqstan Respýblıkasy Kólik jáne kommýnıkasııa mınıstriniń 2011 jylǵy 18 naýryzdaǵy № 159 buıryǵyna ózgeris pen tolyqtyrý engizý týraly «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Qazaqstan Respýblıkasy Zańynyń 14-baby 1-tarmaǵynyń 24) tarmaqshasyna sáıkes buıyramyn: 1. «Sýbsıdııalanatyn marshrýttarda ushýdy oryndaǵan kezde ushý saǵatynyń ózindik quny esebiniń nusqaýlyǵyn bekitý týraly» Qazaqstan Respýblıkasy Kólik jáne kommýnıkasııa mınıstriniń 2011 jylǵy 18 naýryzdaǵy № 159 buıryǵyna (Normatıvtiń quqyqtyq aktiler tiziliminiń №6856 memlekettik tirkeýinde tirkelgen, № 154-155 (26557) 2011 jylǵy 19 sáýirdegi «Egemen Qazaqstan» gazetinde jarııalanǵan) mynadaı ózgeris pen tolyqtyrý engizilsin: Osy buıryqpen bekitilgen Sýbsıdııalanatyn marshrýttarda ushýdy oryndaǵan kezde ushý saǵatynyń ózindik quny esebiniń nusqaýlyǵynda: 3-tarmaq mynadaı redaksııada jazylsyn: «3. Osy Nusqaýlyqta paıdalanylatyn uǵymdar: 1) ushý saǵaty – ushaqtyń ushyp kóterilý maqsatynda qozǵalý sátinen bastap onyń ushý aıaqtalǵannan keıin toqtaǵan sátine deıingi jalpy ýaqyt. 2) ushý saǵatynyń ózindik quny – reıster qunyn esepteý kezinde quramdas bóligi bolyp tabylatyn aýyspaly shyǵystarmen qatar áýe kemelerin paıdalanýdyń oryndylyǵyn baǵalaý úshin qoldanylatyn negizgi kórsetkish. Sıntetıkalyq kórsetkishtegi sııaqty ushý saǵatynyń ózindik qunynda óndiristik jáne qarjy-sharýashylyq qyzmetiniń barlyq jaqtary kórsetiledi: materıaldyq, eńbek jáne qarjy resýrstaryn paıdalaný dárejesi. 3) lızıngtik tólemder – eseptik kezeńdegi qarjylyq lızıng sharty boıynsha jaldaý aqysynyń somasy.»; mynadaı mazmundaǵy 8-tarmaqpen tolyqtyrylsyn: «8. Ushý saǵatynyń ózindik qunyn esepteý kezinde tómendegi kelesi shyǵystar eseptelmeıdi: normatıvten tys tehnıkalyq jáne kommersııalyq ysyraptarǵa, taýarlyq-materıaldyq qundylyq­tardyń jáne qoımalardaǵy qorlardyń búlinýi men jetispeýshiligine basqa óndiristik emes shyǵystar men ysyraptar; óndiristik qyzmetti iske asyrý kezinde paıdalanylmaıtyn negizgi quraldardyń amortızasııalyq aýdarymdary; lastaýshy zattardyń normatıvten tys shyǵaryndylary (tastandylary) úshin tólemder; sot shyǵyndary; senimsiz qaryzdar; sharýashylyq sharttardyń talaptaryn buzǵany úshin aıyppuldar, ósimaqylar, turaqsyz tólemder men sanksııalardyń basqa túrleri; tabysty jasyrǵany (tómendetkeni) úshin aıyppuldar men ósimpuldar; urlyqtan kelgen zalaldar; qyzmet kórsetýshi óndirister men sharýashylyqtardy (úı-jaılardy tegin berý, qoǵamdyq tamaqtandyrý uıymdaryna kommýnaldyq qyzmetter qunyn tóleý) ustaý jónindegi shyǵystar; quzyretti organmen kelisilgen tehnologııalyq qajettilikten basqa densaýlyq saqtaý, mektepke deıingi balalar mekemeleri, oqý oryndaryna, kásiptik-tehnıkalyq ýchılısheler obektilerin ustaýǵa shyǵystar; saýyqtyrý lagerlerin, mádenı jáne sport obektilerin, turǵyn úı qoryn ustaýǵa shyǵystar; mádenı-aǵartý, saýyqtyrý jáne sport is-sharalaryn (demalys keshterin, spektaklder men konsertter ótkizý) ótkizýge shyǵystar; kásiporyndardyń qyzmetkerlerine turǵyn-úı jaǵdaılaryn jaqsartýǵa, baqsha úılerin satyp alýǵa jáne úı sharýashylyǵyn júrgizýge berilgen nesıelerdi (paıyzsyzdaryn qosa alǵanda) óteýge shyǵystar; baqshalyq seriktestikterdi abattandyrý (onyń ishinde jol salý, energııamen jáne sýmen jabdyqtaý, jalpy sıpattaǵy basqa shyǵystardy júzege asyrý) jónindegi shyǵystar; dárister, kórmeler, pikirsaıystar, ǵylym jáne óner qaıratkerlerimen kezdesýler, ǵylymı-tehnıkalyq konferensııalar ótkizýge jáne uıymdastyrýǵa shyǵystar; óndiristik maqsattarǵa paıdalanylatyn ónimderdi qospaǵanda, buqaralyq aqparat quraldaryndaǵy jarnamalar boıynsha, jarnamalyq, plakattyq jáne baspahanalyq ónimder shyǵarý boıynsha shyǵystar; óndiristi vahtalyq uıymdastyrýdy qospaǵanda, taýar naryǵy sýbektileriniń personaly úshin páterlerdi, turǵyn ǵımarattardy jáne qurylystardy, jataqhanalar men qonaq úılerdegi oryndardy satyp alýǵa, jaldaýǵa jáne ustaýǵa arnalǵan; qalany abattandyrý, aýyl sharýashylyǵyna kómek kórsetý jónindegi jumystardy jáne osy tárizdes basqa da jumystardy oryndaýǵa shyǵystar; bilim berý uıymdarynda oqıtyn qyzmetkerlerdiń eńbek demalystaryna aqy tóleýge shyǵystar; jumys qorytyndylary boıynsha syılyqaqy berýge jáne syıaqynyń basqa da nysandaryna shyǵystar; kásibı aýrýlardy ońaltý emine baılanysty shyǵyndardan basqa, avıakompanııa qarajattarynyń esebinen qyzmetkerlerge jáne olardyń balalaryna emdelýge, demalýǵa, saıahatqa shyǵýǵa joldamalarǵa aqy tóleý jónindegi shyǵystar; saqtandyrý tólemderi (kásiporyndarmen óz qyzmetkerleriniń paıdasyna jasalǵan jeke jáne múliktik saqtandyrý sharttary boıynsha kásiporyndar tólegen jarnalar); qyzmetkerlerge, onyń ishinde balalar tárbıeleıtin áıelderge qosymsha beriletin demalystarǵa (eńbek zańnamasynda kózdelgennen tys) aqy tóleýge, qyzmetkerdiń otbasy múshelerine demalysty ótkizetin jerine jáne qaıtar jolyna jolaqy tóleýge, sondaı-aq paıdalanylmaǵan demalysy úshin ótemaqy tóleýge shyǵystar; demeýshilik kómektiń barlyq túrlerin kórsetýge shyǵystar; eńbek zańnamasynda kózdelgennen basqa qyzmetkerlerge (qyzmetkerlerge tamaqty tegin nemese tómendetilgen baǵamen berý, saýyqtyrý toptaryna, seksııalarda, klýbtarda shuǵyldanýǵa arnalǵan abonementterge, protez salýǵa aqy tóleý) jeńildikter; mereıtoılyq kúnderge nemese qyzmetkerlerge yntalandyrý túrinde beriletin (avtokólik, páterler, uzaq ýaqyt paıdalanylatyn zattar men basqa taýarlar, sondaı-aq qyzmetkerlerdiń jeke esepteriniń paıyzdyq mólsherlemelerin arttyrý) syılyqtardy satyp alýǵa shyǵystar; mektepke deıingi balalar mekemelerindegi, shıpajaılardaǵy jáne saýyqtyrý lagerlerindegi balalar tamaqtarynyń qunyn óteýge shyǵystar; ujymdyq shartta aıqyndalǵan maqsattar úshin kásipodaqtarǵa aýdarym jasaý shyǵystary; tájirıbelik-eksperımenttik jumystardy júrgizýge, ónertapqyshtyq pen rasıonalızatorlyq usynystar boıynsha modelder men úlgilerdi jasaýǵa jáne synaýǵa (rettelip kórsetiletin qyzmetterdi (taýarlardy, jumystardy) usynǵan kezde qoldanylatyn jumystardy qospaǵanda), kórmeler, baıqaýlar, konkýrstar men basqa da is-sharalar uıymdastyrýǵa, avtorlyq syıaqylar tóleýge jáne t.b. baılanysty shyǵystar; óndiristik qyzmetti júzege asyrýǵa tikeleı qatysy joq shyǵystardyń basqa da túrleri.». 2. Qazaqstan Respýblıkasy Kólik jáne kommýnıkasııa mınıstrliginiń Azamattyq avıasııa komıteti (B.K. Seıdahmetov): 1) osy buıryqtyń Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin buqaralyq aqparat quraldarynda resmı jarııalanýyn, sonyń ishinde ony Qazaqstan Respýblıkasy Kólik jáne kommýnıkasııa mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn; 3) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy «Ádilet» respýblıkalyq memlekettik kásipornynyń aqparattyq-quqyqtyq júıesine resmı jarııalaýǵa kóshirmelerin jiberýdi; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin 5 jumys kúni ishinde memlekettik tirkeý týraly jáne buqaralyq aqparat quraldarynda jarııalaýǵa jiberý týraly málimetterdi Qazaqstan Respýblıkasy Kólik jáne kommýnıkasııa mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Kólik jáne kommýnıkasııa vıse-mınıstri A.Ǵ. Bekturovqa júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi Mınıstrdiń mindetin atqarýshy A. BEKTUROV. Buıryq Qazaqstan Respýblıkasynyń Ádilet mınıstrliginde 2014 jylǵy 24 qańtarda Normatıvtik quqyqtyq kelisimderdi memlekettik tirkeýdiń tizilimine №9092 bolyp engizildi.