«Qazaqstannyń Eýropalyq Odaqpen ózara is-qımyly 29 negizgi baǵyt boıynsha belsendi damyp keledi. Eýropalyq Odaqqa múshe memlekettermen keńeıtilgen áriptestik jáne yntymaqtastyq týraly kelisim bar. Qazaqstanda Shell, Eni, Total, Air Liquide, Alstom, Siemens jáne basqa transulttyq korporasııalardy qosa alǵanda, eýropalyq kapıtaldyń qatysýymen 3 myńnan astam kompanııa jumys isteıdi», dedi Prezıdent.
Prezıdent qos taraptyń jan-jaqty áriptestigi sırek metaldar, «jasyl» sýtegin óndirý sııaqty strategııalyq mańyzdy salalardaǵy perspektıvaly jańa ýaǵdalastyqtar arqyly damıtynyn aıtty.
«Alǵa bastaıtyn jobalardyń biri – Svevind nemis-shved kompanııasynyń jel jáne kún elektr stansalaryn ornatý jáne Qazaqstanda úsh mıllıon tonna «jasyl» sýtegi óndirý zaýytynyń qurylysyn bastaýy boldy. Bul EO-nyń osy ónimge degen qajettiliginiń shamamen 20%-yn quraıdy», dedi Memleket basshysy.
