Premer-mınıstr Qazaqstan Eýropalyq Odaqpen ınvestısııalyq seriktestikti odan ári tereńdetýge jáne ózara saýdany ártaraptandyrýǵa múddeli ekenin atap ótti. Sonymen qatar sońǵy jyldary asa mańyzdy shıkizat salasyndaǵy yntymaqtastyqty damytý máselesin de kóterdi.
Álıhan Smaıylov byltyr COP-27 konferensııasy aıasynda Eýrokomıssııa basshysy Ýrsýla fon der Lıaıenmen birge osy baǵyttaǵy yntymaqtastyq týraly memorandýmǵa qol qoıylǵanyn eske saldy.
«Qujat ekonomıkanyń naqty sektorlaryndaǵy áriptestigimizdi nyǵaıtý boıynsha naqty sharalardy kózdeıdi, onyń negizgi elementi «jasyl» tehnologııalardy engizý bolyp tabylady. Bul osy saladaǵy ortaq maqsattarymyzdy júzege asyrýǵa qosymsha serpin beretini sózsiz», dedi Premer-mınıstr.
Marosh Shefchovıch Eýropalyq Odaqtyń buǵan deıin qol jetkizilgen barlyq ýaǵdalastyqty júzege asyrýdy jalǵastyrýǵa daıyn ekenin atap ótti.
