Qysta bolǵan apattan keıin jarnamalyq saıttarda «páter satý nemese jalǵa berý» týraly habarlamalar kóbeıip ketken. Máselen, sondaı saıttardyń birinde bir kúnde páterlerdi satý týraly 200 habarlandyrý paıda bolǵan. Jyljymaıtyn múliktiń quny óte tómen. Buryn 9-10 mıllıon teńgege baǵalanǵan bir bólmeli páterler qazir 4-5 mıllıon, al eki bólmeli páterler 7 mıllıon teńgeni quraıdy.
Bul rette qala ákimdiginiń ókilderi kelesi jylytý maýsymyna deıin segiz qazandyq jóndeletinin, al zaqymdalǵan qubyrlar aýystyrylatynyn habarlaǵan. Sondyqtan olardyń aıtýynsha, alańdaýǵa negiz joq.
Esterińizge sala keteıik, 2022 jyldyń qarasha aıynda Ekibastuz qalasynyń turǵyndary JEO-daǵy kommýnaldyq apatqa baılanysty jylýsyz qalǵan.
