Beıbittiń baǵy jandy

Júlde qory 75 myń dollardy quraǵan jarysta Beıbit Juqaev tabysty óner kór­setti. ATR reıtınginde 325-orynda turǵan Beıbit irikteý synynan irkilmeı negizgi týrnırdegi tusaýkeser kez­de­sýin ger­manııalyq Peter Goevchıkpen (333) ótkizdi. Bul tartys 6:2, 6:2 esebimen qan­da­symyzdyń paıdasyna sheshildi. Ekin­shi kezeńde ol osy dodanyń basty fa­vorıt­teriniń biri amerıkalyq Nıkolas Mo­reno Alborannan (№182) basym tústi – 6:2, 6:7, 7:6. Odan keıin óziniń komandalyq áriptesi Mıhaıl Kýkýshkınmen (№286) kúsh synasty. Asa shıelenisti ótken saıysta jas daryn 35 jastaǵy saqa sportshyny san soq­tyryp ketti – 6:7, 6:4, 7:5. Jartylaı fınalda Juqaev aýstralııalyq Adam Ýoltty jo­lynan yǵystyrdy – 6:7, 6:4, 7:6. Biraq fınalda Mark Laıalýǵa (311) áli jetpedi. Bul tartys 4:6, 5:7 esebimen Estonııa ten­nısshisiniń paıdasyna sheshildi.

22 jastaǵy Aqtaý qalasynyń týmasy qazirgi kezde ózin jaqsy qyrynan kórsetip júr. Onyń Lıtl-Roktaǵy jarysta fınalǵa deıin jetýi – sporttyq mansabyndaǵy ázir­ge eń iri tabys. Osy jetistiginiń arqa­synda Beıbit Juqaev álemdik reıtıngte 254-orynǵa kó­terildi.