Aýdıtorlardyń baǵalaýynsha, ótken jyly qarjylyq buzýshylyqtardyń eń kóp kólemi respýblıkalyq bıýdjetten qarjylandyrylatyn memlekettik mekemelerde, sondaı-aq kvazımemlekettik sektor sýbektilerinde ákimdikterdiń respýblıkalyq bıýdjetten bólingen nysanaly transfertterdi paıdalanýyndaǵy buzýshylyqtar boldy. Mundaı derekter búgin Májilis otyrysynda aıtyldy.
Mınıstrlikterdiń ishinde zań buzýshylyqtardyń negizgi úlesi Qorǵanys mınıstrligine (5,1 mlrd teńgeden astam), ónerkásip jáne ınfraqurylymdy damytý (2,9 mlrd teńgeden astam), mádenıet jáne sport (1,3 mlrd teńgeden astam), sondaı-aq tótenshe jaǵdaılar mınıstrligine (1 mlrd teńgeden astam) tıesili.
Joǵarǵy esep palatasynyń tóraıymy Natalıa Godýnovanyń aıtýynsha, tekserý sharalarynyń nátıjesinde jınalǵan materıaldardyń bir bóligi quqyq qorǵaý organdaryna berilgen.
«Prosessýaldyq sheshim qabyldaý úshin barlyǵy 15 materıal usynyldy, 6 materıal boıynsha qylmystyq is qozǵaldy, sotqa deıingi tergeý amaldary júrgizilip jatyr», dedi Godýnova.
