MINDET – JOLAÝShY TALǴAMYNA SAI QYZMET

Tuńǵysh Prezıdentimiz Nursultan Nazarbaevtyń kóregendik bastamasymen, balamasyz basshylyǵymen Arqa tósine otaý tikken araıly Astanaǵa saparlaǵan árbir adam aldymen onyń kólik beketteriniń tabaldyryǵyn attaıdy. Sondyqtan bas qalaǵa alys-jaqyn shetelderden, ulan-baıtaq elimizdiń barlyq óńirlerinen jolaýshylap keletin jurtshylyq avtovokzal qyzmetin tutynady. Endeshe, ol joǵary suranys talabyna saı bolýy kerek. Osyǵan oraı, 2000 jyly Astana qalasy arnaıy ekonomıkalyq aımaǵy ákimshilik keńesiniń sheshimimen qalaaralyq, halyqaralyq jolaýshylar tasymalyn júzege asyratyn “Saparjaı-Astana” kommýnaldyq kásiporyny quryldy. Keıinnen ol JShS bolyp qaıta tirkeldi. 1989 jyly paıdalanýǵa be­ril­gen jáne sol kezdegi qalanyń ta­lap­taryna saı bolǵan avtovokzal ǵı­ma­rat­yna jóndeý jáne qaıta jańartý ju­mystary aıaqtalyp, qazirgi kezde avto­vokzaldyń jańartylǵan kelbeti temir jol vokzalymen tutas bir sáýlettik an­samblge keltirilip, elorda tur­ǵyn­da­ryna jáne qonaqtaryna qyzmet kórsetýde. Búgingi tańda avtovokzal qazirgi zaman talabyna saı jolaýshylarǵa qajetti barlyq múmkindiktermen jabdyqtalǵan. Sonyń ishinde, aıta ket­sek, namazhana, qonaq úı, medı­sınalyq pýnkt, dúkender, shashtaraz, haýyz, ana men bala bólmesi sııaqty dem alý or­yndary bar. Sonymen qatar jo­laý­shylarǵa ońtaıly jaǵdaı jasaý úshin táýlik boıy bılet satatyn 11 kassa, dıspetcherlik pýnkt, an­yq­tama bıýrosy, qol júkterin saqtaý kamerasy, sóılesý pýnkti, demalý oryndary, túrli bankterdiń bes bankomaty, dámhana, ashanalar jáne túrli ádebıetter men usaq-túıek satatyn kıoskiler jumys isteıdi. Búgingi kúni elordanyń avtovokzaly halyqqa qyzmet kórsetý salasynda keń ınfra­qu­ry­lymdy usynady. Avto­býs­tarmen jolaýshylar tasymaly Qazaqstan Respýblıkasynyń barlyq qalalarymen jáne alys-jaqyn sheteldermen de qatynastyq baılanystaǵy 146 baǵyt boıynsha júrgiziledi. Jolaýshylardy tasymaldaý boıynsha 50 tasymaldaý­shy­lar­men kelisim-shart jasalǵan. Budan basqa Reseıdiń keıbir qalalaryna turaqty qatynaıtyn 25 tranzıttik reıs taǵy bar. Kún saıyn 125 reıske deıin jó­neltiledi. Sonymen qatar kezinde jo­laý­shylar tasymaly bolmaı bas tartylǵan Ar­qalyq, Shymkent, Aqtóbe, Jetisaı, Túmen sııaq­ty baǵyttar boıynsha burynǵy baǵyttar qal­pyna keltirildi. Qalaaralyq jáne halyqaralyq saparlarǵa jaıly, qaýipsiz osy zamanǵy avtobýstar júredi. Qazirgi kezde “AstanTransServıs” (dırektory M.Egemberdi), “Venta” JShS (dırektory E.Taýtanov), Cath Trans (dı­rektory V.Markshteıder), №4 avtopark (dı­rek­tory N.Smaǵulov) sııaqty tasymaldaýshylar negizgi baǵyttardy júzege asyrady. “Saparjaı-Astana” arqyly 2009 jylǵa 879287 jolaýshy tasymaldansa, 2010 jyldyń 5 aıynda 276301 jolaýshy tasy­mal­dan­dy. Avtovokzaldyń jolaýshylar ótkizý qabileti táýligine 4000 jolaýshyny qamta­ma­syz etedi. Meıram aldyndaǵy kúnderde qyzmet kórsetý 5000-6000 jolaýshyǵa deıin barady. Jolaýshylar úshin kólemi 800 sharshy metr bolatyn kútý zaly bar. Avtovokzal ǵımaratynda 150 otyrǵyzý orny jáne avtovokzal aýmaǵynda 392 otyrǵyzý oryn­dary jabdyqtalǵan. Bıletterdi satýdy esepteý júıesi kompıýterlengen. Avtovokzaldyń jeke kúzet qyzmeti, sondaı-aq IIB postyq qyzmet pýnkti jolaýshylardyń tynyshtyǵyn qorǵaıdy. Jolaýshylarǵa minsiz qyzmet kórsetý bizdiń tájirıbeli mamandarymyzdyń nátıjeli jumysynyń arqasy ekendigi daýsyz. Avtovokzalda dıspetcherlik pýnktpen elek­tron­dy baılanys júıesi arqyly jalǵasqan avto­mat­tan­dy­ryl­ǵan kassa, eki tilde habarlama júrgizetin anyqtama bıýrosy jumys isteıdi. Munda ózderiniń eńbek joldaryn uzaq jyldar boıy bizdiń mekememizben ush­tas­tyrǵan óz isiniń kásibı sheberleri qyzmet atqarady. Máselen, osydan 21 jyl buryn ujym tabaldyryǵyn attaǵan Aısulý Mol­daıarova aýysym dıspet­cher­leriniń bastyǵy bolsa, 12 jyl buryn avtovokzalǵa dıspetcher-habarlaýshy qyzmetine qabyl­dan­ǵan eki tildi jetik biletin Svetlana Trapeznıkova búginde aýysym bastyǵy bolyp eńbek etedi. Sonymen birge osydan 18 jyl buryn osy ujymda eńbek jo­lyn bastaǵan Aıtjan Qazkenova kassır qyzmetin atqarady. Onyń isin Aıgúl Dúısenbaeva sııaqty áriptesteri sátti jalǵastyrýda. Kez kelgen kólik beketiniń basty mindeti talaby joǵary jolaýshylardyń talǵamyna saı qyzmet kórsetý bolsa, “Sapar­jaı-Astana” JShS osy maqsat bıiginen kó­riný jolynda qoldan kelgenniń bárin jasap keledi. Aldaǵy ýaqytta da osy mereıli mindet údesinen taımaq emes. Baǵdat BAIJANOV, “Saparjaı-Astana” JShS dırektory.